ERROR保錡「自雪」前最後一個MV 彌敦道拍攝最驚俾人望

更新時間 (HKT): 2021.03.06 14:11

ERROR成員吳保錡早排「臭史」一籮籮,先有背正印Carrie偷食沙律張沛樂,之後同女友開live做直播,遇到有網民嘲他似八両金,他又沉不住氣即場爆粗狂鬧網民,形象直插谷底,結果保錡早前宣佈「自雪」保組合形象,在剛過去的ViuTV頒獎禮記者會,就只得ERROR的肥仔(梁業)、阿Dee(何啟華)、193(郭嘉駿)三缺一出席,三子更捧着保錡「黑白照」,揚言舊的保錡已死。

今日ERROR新歌《I Promise》 MV見街,MV中,仍保留保錡的畫面,而今次新歌亦是他宣佈停工前拍攝的最後一個MV。不過多次被網民狙擊的他,在接受訪問的花絮片中,明顯狀態麻麻,鮮有出聲之餘亦不時眈天望地,心不在焉,其實193之前曾爆保錡拍MV時情緒出現問題。「之前喺旺角彌敦道拍MV時,保錡成日覺得途人望住佢,同埋好憎佢,佢係好似有啲精神病,大家只能勸佢唔好望其他人,放鬆自己。」除了保錡,肥仔同樣認為在鬧市拍攝要過心理關口:「今次我哋去咗啲熱鬧嘅地方拍攝,感覺都幾尷尬,因為好多人圍觀,幾大壓力。」

由於MV以貓為題,對於本身怕小動物的193來說,是一個考驗,193指今次MV好彩用假貓,如果用真貓一定嚇破膽。阿Dee亦說:「當193俾一大堆貓圍住時,會變成貓奴,郁都唔敢郁同埋瘋狂咁尖叫。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner