盤菜瑩子久未亮相100毛 網民踢爆已離任企劃助理

更新時間 (HKT): 2021.03.06 18:07

盤菜瑩子於2015年入職毛記電視,演出《六點半左右新聞報道》、《日本風涼話》等節目,是深受網民喜愛的主播,不過最近她為ViuTV拍攝了《點相》、《點相 II 破局》,還擔任了《囝囝女女730》第二集的嘉賓,反而有一段時間沒亮相《100毛》,網民都關心她的動向,甚至有人說她已離任企劃助理一職。

盤菜瑩子經理人Yankee今日回覆《蘋果》,表示盤菜瑩子只是由企劃助理轉為全職藝人,「毛記藝人大部份個個一開頭都係喺毛記任職,我相信熟悉咁多位嘅都應該知,而企劃助理係盤菜一開始係公司嘅工作,不過其實好早開始已經轉咗全職藝人。而最近唔見佢出鏡,如果係指自己公司節目,圍爐就因為轉咗形式,所以轉換下主播。如果《演偽人協會》點解今集冇佢,因為今次係同17live 一個合作,拍攝當日佢有其他shooting,所以夾唔到拍。但係其實除咗今集,對上所有盤菜都有出現喎!」Yankee再補充表示,盤菜瑩子在去年12月拍攝了一部電影《正義迴廊》(暫名) ,近來主要做社交媒體發佈及拍攝廣告等工作 ,上個月拍完一個啤酒廣告亦剛出街。

此外,盤菜瑩子亦回覆了《蘋果》,她透露剛完成了和林海峰、蘇玉華等合作的電影《正義迴廊》,希望作品可於今年跟大家見面,「啱啱出街有個RubberBand 6號同Tim Lui做嘅創家作短片比賽,係小肥《你明日回來》MV,希望大家都多多支持啦!仲有啲廣告亦啱啱出街,例如啤酒廣告,嚟緊亦有唔同廣告演出,希望都可以再喺其他平台見到大家,再次多謝大家關心。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner