黃修平推大製作強調拍戲求感覺 唔想為錢拍冇意思嘅電影

更新時間 (HKT): 2021.03.06 13:04

導演黃修平在2013年執導電影《狂舞派》而打響名堂,不過成名過後,他未有「食住個勢」開拍一系列電影,反而事隔八年才推出《狂舞派3》。黃修平早前接受商台節目《1圈圈星光背後》訪問,他坦言《狂舞派3》是大家呼喚出來:「嗰陣拍《狂》時候,當然唔會諗會變成一系列,只係想一心一意拍好佢,喺13年上畫嘅時候,我哋做咗好多謝票場,當時觀眾有一個問題係一定會問,就係有冇《狂2》?會唔會有續集?我哋成個團隊都好興奮,覺得應該擁抱住大家嘅呼召,因為唔係每一部戲都咁幸運,可以被呼喚去拍續集。」

不過問題由此而起,黃修平說:「一方面想拍嗰個續集,另一方面又知道如果複製嗰個成功,我哋就會墮落,變成一個好平平無奇、公式化嘅勵志片。呢個心態就冇咗我哋第一集嘅革新精神,我覺得《狂》當時喺香港,好似一個閃光彈,係橫空出世,全部係素人,又係跳舞題材,我唔應該忘記咗呢個咁革新嘅初衷。」

當年黃修平拍完《狂》後,據聞有不少大製作邀請他執導,不過都被拒絕:「當時的確有,但係我推咗,係有好多原因,唔好講到咁寸。我只係覺得對方開出嚟嘅條件或題材,我要有感覺、唔一定話要好認識佢,但係件事係要有興奮度、有足夠時間認識先可以。試過有啲人同我講:『有個題材好適合你,下星期可以開鏡,仲會去歐洲取景。』你一聽到,我已經冇問人工,幾大卡士都不足掛齒,聽落去成件事唔make sense,有呢個心態,點可以拍出一部好戲?有啲人會覺得我冇大志,但我認為要對自己嘅創作負責任,或者唔好講咁多使命感,只係我唔識拍,呢啲錢賺唔到!」黃修平重申自己不一定要拍大製作:「第一,我要有感覺;第二,我要有能力handle;第三,我要透過我拍出嚟之後係有意思,而唔係拍一部睇完等於冇睇嘅戲。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner