吳孟達設靈丨過百市民手持白花排隊公祭 女影迷:佢嘅作品代表90年代香港

更新時間 (HKT): 2021.03.07 18:57

吳孟達今日於紅磡世界殯儀館設靈,黃昏6點起開放公祭,晚上7點半進行安息禮拜祈禱。下午起已陸續有市民到達殯儀館外等候,高峯時有過百市民排隊,大部份人手持白花。

有在港生活的四川影迷表示,細細個已經睇達哥的電影,覺得達哥離世相當可惜。另外,香港影迷梁先生盛讚達哥的電影:「佢邊一套唔係精品?啲電影內容我可以倒背如流。」而謝小姐讚達哥演技好,形象突出:「佢嘅離開係香港電影損失,佢嘅作品好能夠代表80、90年代香港,係集體回憶。」

有住在長洲的大陸人Shaun,更帶同外籍太太Maxie到場拜祭。Shaun表示達哥的每套作品如《食神》、《喜劇之王》、《整蠱專家》等全部都有看過。Maxie透露自己不懂講廣東話,但丈夫有介紹達哥的電影給自己,覺得達哥搞笑,非常喜歡。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner