吳孟達設靈丨劉德華合十悼念 吳君如偷師學猜枚:太多經歷講唔晒

更新時間 (HKT): 2021.03.07 17:39

資深藝人吳孟達上月27日因肝癌離世,享年71歲,今日在世界殯儀館設靈。與達哥生前合作過的好友劉德華、吳君如、林子聰(肥仔聰)等,於下午4時半後陸續抵達靈堂。

一身黑色素服的劉德華,接近5時到達,他甫下車向在場守候的傳媒雙手合十,然後一言不發步入靈堂,他大約逗留約20分鐘便離去。華仔跟達哥早年經常在電影上合作,如電影《與龍共舞》、《整蠱專家》、《天若有情》、《賭俠》、《廟街十二少》、《五億探長雷洛傳I:雷老虎》及《五億探長雷洛傳Ⅱ父子情仇》,當中《天若有情》兩人在戲中莫逆之交的關係,更深入民心,而達哥亦憑《天》片獲金像獎最佳男配角。

至於吳君如則獨自到來,神情哀傷,她接受傳媒採訪時,被問起以往與達哥的相處點滴,她說有太多太多:「同達哥拍過好多唔同嘅電影,佢有好多角色,演過『三叔』,又演過我爸爸、表哥,要講真係一日一夜都講唔晒。」她說其中一次要演江湖人物,達哥做她爸爸,她向達哥學猜枚:「我叫佢教我猜枚,佢好叻嘅,佢咩枚都識猜,我好記得一cut機,佢就叫『猜喇!』好好笑。」她說當時好入戲,覺得達哥真的如自己老竇一樣。

君如近年一直想找達哥演出,但因為未能夾到期,無緣再合作,她多次指達哥離世好突然:「唔知佢病,我冇瞻仰遺容,近十日每日都諗起佢,有種日常都同佢一齊嘅感覺。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner