傅嘉莉花墟街頭遇露體狂:畫面喺我腦海揮之不去

更新時間 (HKT): 2021.03.07 21:53
(IG圖片)

現年27歲的「大埔LuLu」董嘉儀,早前不幸遇到露體狂,事後她在社交網出post提醒各路姊妹:「各位女仔一個人返屋企嘅時候,揀啲多人嘅地方行。」想不到事隔一星期,今日再有受害者出現!大台小花傅嘉莉(Kelly)今日出post表示昨日在花墟遇到露體狂,她因為被嚇呆,最後放走了露體狂。

Kelly寫道:「昨天約咗朋友喺旺角花墟某店,我一落車便望着電話上的地址搵門牌,街上人來人往,我一邊睇手機一邊搵方向,我忽然向下望電話之際,我望到一個男士的下體。」

在人來人往的花墟街頭經歷此事,Kelly也有懷疑自己的眼睛,不過,真的假不了!她續寫道:「當刻我也質問自己,怎麼可能?但當我再望,他是有着衫同褲,原來只是褲冇拉鏈就這樣放了出來。我當刻停咗腳步,完全呆定了,我真的冇睇錯!他的確在公眾地方露械,但我不知道應該要點做,應該大嗌?應該同其他人講?應該上前同這位男士講你唔可以咁做?定係佢只係唔記得拉返條拉鍊?」

呆企無舉報

受驚後的Kelly,呆企街頭數十秒,相當無助:「我就咁呆企了幾十秒,這刻望周圍的人,冇人察覺到他的行為,我就這樣畀佢離開咗。我返到我朋友身邊同佢哋講呢件事,大家都冇似我這般大反應,但係這畫面喺我腦海揮之不去,我喺度質問自己點解當佢(眾)唔舉報佢……」

Kelly在事發後一日,回過神,組織事件後決定與網民分享,她又擔心如果目擊此事的是個小朋友,會對小朋友造成心理陰影,她向網民求教:「如果其他小朋友睇到呢個畫面,會唔會令到他們有童年陰影,畢竟花墟也是一家大細也會去的地方,如果再又下一次咁嘅事情,我應該點做?」

網民:保護自己

不少網民都叫Kelly要大聲嗌非禮,或者找身邊的男士協助。不過也有人認為Kelly不要給任何反應就最好,過後才去報警。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner