林夏薇唱live挑戰張學友名曲 疫情下暫未有緣見到堂姪女一面

更新時間 (HKT): 2021.03.08 21:38

敖嘉年主持的live節目《星級靚聲演唱廳》今晚來到結尾,邀請了好友林夏薇和導演兼演員張子丰齊齊開live唱歌。敖嘉年多年前和薇薇合作劇集《寒山潛龍》認識,當時已得知對方唱功了得,「專誠最後一集邀請佢,好難得先請到佢『出宮』。」

薇薇解釋近期忙於生意、拍劇及拍攝廣告,今次會獻唱6首歌,「登台有試過唱live,但網上開live第一次,好新鮮,搞到我好緊張,專登上堂實習,揀咗首學友作品《這麼近那麼遠》。」

曾志偉回巢後全力關注綜藝發展,對藝員而言是生機,薇薇說:「我都希望多方面發展,想拍劇為先,有機會可以唱到劇集主題曲,當年劇集《單戀雙城》我唱主題曲《很想討厭你》,係得獎歌曲,但從此就冇再唱過。所以每次演出人哋都要求唱呢首歌,希望第日可以多幾首表演作品,唔好變成一曲歌后。」

另外,薇薇堂兄林峯去年與太太張馨月誕下女兒,一直留在大陸,薇薇仍未有機會見堂姪女,「我一直都冇見到佢哋,買咗BB禮物都未送到。好采買大咗,希望到時仲啱著啦!我連自己父母都好耐冇見,希望疫情快過啦。」另外,在疫情下她旗下點心生意影響不大,漸有好轉。

張子丰近年投入拍劇,將歌唱事業放低一年,今年會重新投入推出新歌,多些投入歌唱事業,另一方面他以導演身份拍攝短片參加微電影「創+作」,4月會揭曉結果,他希望獲獎。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner