鄭中基宣佈下月中環海濱搞個唱 將設車輛套票4人一車露天睇騷

更新時間 (HKT): 2021.03.08 23:28

明天49歲生日的鄭中基,近日憑《暖男爸爸》榮升「民選視帝」,由他演唱的主題曲勾起不少觀眾的心癮,紛紛呼喚鄭中基再次開騷唱歌。今日終於有好消息,鄭中基宣佈將於4月24及25日舉行演唱會。

鄭中基接受《蘋果》訪問表示:「最初主辦邀請我參與呢個Drive in show,我諗應該好好玩,同埋對觀眾來講都係一個新體驗,所以一拍即合!至於演出內容以外嘅事,都全由主辦方處理,我專心處理音樂部份,多謝大家支持!」

演唱會將於4月24及25日假中環海濱活動空間舉行,門票將於3月12至14日開放優先訂購,今次鄭中基演唱會設座位和車輛套票,是全港首個可以坐在車內欣賞的演唱會,座位票價為$1,080/$880,車輛套票為$6,000。受武漢肺炎疫情影響,表演業界大受打擊,就算可以開騷亦因限聚令而要作諸多措施,而今次鄭中基演唱會設有車輛套票,觀眾可自駕車輛以4人一車的方式欣賞,既安全又舒適。

早前鄭中基接受訪問時表示:「上次因為拍《阿龍》增磅,開騷嗰陣唔可以減肥、練氣,結果搞到唔夠氣唱歌,今次我要復仇操弗啲,一定要挽回聲譽。」而今晚他在社交平台上看來信心十足,除了表示稍後會更詳細講解之外,更留言道:「我自己都好期待。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner