洪金寶戥港人心酸落淚 慨嘆香港無希望:唯一仲有啲空氣可以呼吸吓

更新時間 (HKT): 2021.03.08 17:18

電影《邊緣行者》今日在元朗開鏡,包括洪金寶、任賢齊、任達華、方中信、吳卓羲、林曉峰、陳國坤及尹揚明等演員出席儀式。年近70歲的洪金寶近年屢被拍到身形變瘦,盛傳他患病,不過,今日見洪金寶在太太高麗虹亦有陪伴現身,他顯得精靈活潑,步出讓傳媒拍照還快跑兩步,似乎想用行動來釐清身體不適的傳聞。

洪金寶表示已休息已久,兩年幾沒拍戲,他欷歔說:「香港電影有就要繼續拍,香港人拍香港電影,唔知幾時會停。今日聽到UA院線結業,發行、電影、電視都冇得睇,要聽返麗的呼聲電台,遲啲香港乜都復古。我以前每個星期六、日都去戲院霸位,睇觀眾反應,睇自己同麥嘉嘅戲,而家冇呢支歌仔唱。」

考慮減片酬

身為影壇大哥大,洪金寶佩服香港的電影公司在疫情下仍開戲製作,對於會否減片酬支持,洪金寶若有所指地說:「如果係香港政府就唔使,佢大把錢,其他人就有商量。」

對於會否邀請政府協助電影業界,洪金寶絕望說:「唔好再講呢啲,冇晒希望,人生冇希望,香港冇希望,唯一希望香港仲有啲空氣可以呼吸吓。打開個電視見到老百姓嘅生活,睇到都心酸,我好想幫,但我幫唔到,唯一幫手就係流眼淚。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner