黃修平為港台執導單元劇:創作人角度唔想受審批

更新時間 (HKT): 2021.03.08 10:00
黃修平為港台《環顧日常》拍攝其中一個單元「海魚飛」。

導演黃修平與袁富華、談善言和黃美芬,昨日在上環一間海味店為港台節目《環顧日常》拍攝其中一個單元「海魚飛」。黃修平今次執導的單元,以綠色殯葬為主題,他表示節目由去年籌備,因為疫情影響未能拍攝小朋友的戲份,故內容要作出調整。

近日有指空降出任廣播處長的李百全,上任後即大擺官威要求審視港台拍攝的節目,當中《香港故事》訪問樂隊LMF的集數被抽起。據知,必須要審視的節目主要是時事節目,而《環》去年已開始製作,暫時不用事前審查或內容修改。

問到黃修平節目是否需經廣播處長審批?他表示不清楚,亦希望不需要:「喺創作人嘅角度,當然唔想受到審批。如果要改睇吓乜嘢原因,睇情況,唔能夠一概而論。」至於演員袁富華和談善言也表示不清楚,但暫時未受影響,談善言說:「呢件事剛發生,暫時未有實際感覺到之後有乜變化,要遲啲先有諗法,當然演員只係會諗揀一個好劇本。」至於日後挑選劇本會否更審慎,盡量少接觸敏感題材?袁富華則說:「主要睇對個劇本有冇興趣,分唔到邊啲係敏感,都係睇創作上點樣deal。」

袁富華與談善言在劇中演父女,劇情講述二人因上一代的關係及理念不同引發矛盾,雖然表面不和,但父女內心是互相關愛。拍攝時,兩人沒有太多爭執戲份,談善言謂大多數是不瞅不睬:「今次同Ben哥合作,佢教咗我好多,分享咗好多拍攝嘅事。」而袁富華則笑謂最初接劇本感愕然,因為以自己條件很難有如此美麗的女兒。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner