陳積榮獲藝人集氣支持抗癌 Bob三女捐利是錢助解燃眉之急

更新時間 (HKT): 2021.03.08 12:58

前無綫藝員陳積榮(Jeff)去年8月確診第四期肺癌,當時醫生診斷他最壞情況或只剩下半年壽命。Jeff一直好堅強面對,奈何近兩個月情況急劇惡化,肺部腫瘤變大咳到出血,連右肩胛位都有癌細胞,醫院社工將Jeff的個案轉介給蘋果慈善基金跟進,祈望可減輕醫藥費開支。

Jeff昨日有拍片求助,林盛斌(Bob)、姚嘉妮和徐榮亦有響應捐助,先後在Facebook貼上入數紙,盼解燃眉之急,用生命影響生命。Bob留言:「我同幾個女決定,將今年收到部份嘅利是錢,捐贈畀陳積榮(Jeff)先生,希望呢一個小小嘅心意,可以減輕佢喺醫療經費同生活上嘅負擔,亦希望可以當作係佢喺抗癌路上,我哋對佢嘅小小支持!Jeff,雖然我同你唔算太認識,但係我好想同你講:『你真係好叻,好勇敢、好堅強,我好希望你可以打贏呢場仗,我哋一家人都衷心祝福你。』生命影響生命,希望大家有能力嘅時候,都可以幫助身邊有需要嘅人,為佢哋加添一點愛同埋暖。」

Bob接受傳媒訪問時,指過去幾年,每一年都要教小朋友將部分的新年利是錢拎出嚟,捐去不同的慈善機構,去年便到深水埗明哥的舖頭買飯券,他說:「等啲女明白當自己有能力嘅時候,就要去幫助其他有需要嘅人。」

姚嘉妮徐榮:盡少少綿力

姚嘉妮貼出入數紙,並留言呼籲大家仗義幫忙:「希望大家可以幫助陳積榮,雖然我哋未有機會合作過,但我希望你可以盡快得到適合你嘅治療,早日康復!希望我嘅fans們亦都可以出一分力去幫助Jeff,感謝,希望積少成多!一定可以早日康服。」徐榮指雖然跟這位師弟Jeff合作次數不多,但印象中他是一個開朗有禮貌、對演戲充滿熱誠的一個年青人,「希望大家可以一齊出一分力幫助Jeff去得到適當的治療對付惡疾!Jeff加油!盡少少綿力!希望大家都可以幫幫手」。

ViuTV藝人駱振偉與Jeff是大學同學,他也在IG呼籲各界伸出援手:「我嘅老友為佢嘅生命好努力打緊仗,要視乎龐大醫療嘅費用真係好唔簡單,希望大家都可以幫下手!」

「陳積榮」暖流之友編號:C4763

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner