杜汶澤寸業界唔敢出聲反枱 
洪金寶聞UA執笠欷歔 「香港冇希望」

更新時間 (HKT): 2021.03.09 02:00

武漢肺炎影響全球經濟,本地戲院去年12月開始停業超過3個月,令電影業重創,昨日陪伴港人36年的UA Cinemas(娛藝院線)終於宣佈全線結業,消息震驚整個電影業界。昨日影壇大哥大洪金寶出席新戲開鏡,表示對UA結業欷歔,更戥港人心酸落淚,慨嘆:「香港冇希望。」杜汶澤則於fb指:「其實大部份香港戲院商都同政府好好關係,但係有冇出聲反映吓業界喺疫情下嘅困難呢?唔好話反枱啦,出句聲都唔敢啦!」

武漢肺炎下政府實施限聚令,本地戲院曾三度停業,由去年3月28日停業到5月8日,7月15日中再次停業至8月28日重開,到12月2日開始停業,至今年2月18日重開,更歷時超過三個月,錯過聖誕、新年、農曆年等檔期,終於陪伴港人36年的UA Cinemas(娛藝院線)昨日宣佈全線結業,並啟動清盤程序,遣散逾百員工。

撐香港人拍香港電影

UA執笠的消息令電影業界人都感到欷歔,電影《邊緣行者》昨日在元朗開鏡,洪金寶、任賢齊、任達華、方中信、吳卓羲及林曉峰等演員出席儀式。69歲的洪金寶表示休息已久,兩年幾沒拍戲,他欷歔說:「香港電影有就要繼續拍,香港人拍香港電影,唔知幾時會停。今日聽到UA院線結業,發行、電影、電視都冇得睇,要聽返麗的呼聲電台,遲啲香港乜嘢都復古。我以前每個星期六、日都去戲院霸位,睇觀眾反應,睇自己同麥嘉嘅戲,𠵱家冇呢支歌仔唱。」

身為影壇大哥大,洪金寶佩服香港的電影公司在疫情下仍開戲製作,對於會否減片酬支持,洪金寶若有所指地說:「如果係香港政府就唔使,佢大把錢,其他人就有商量。」對於會否邀請政府協助電影業界,洪金寶絕望說:「唔好再講呢啲,冇晒希望,人生冇希望,香港冇希望,唯一希望香港仲有啲空氣可以呼吸吓。打開個電視見到老百姓嘅生活,睇到都心酸,我好想幫,但我幫唔到,唯一幫手就係流眼淚。」

同場的任賢齊說:「大家努力拍好電影,等個市場好番。自己過往都有入UA戲院睇戲,疫情影響係好大。」

任達華盼大財團收購

其新戲拍檔任達華感慨地說:「聽到消息有啲唔開心,希望疫情快啲好番,各行各業重新開返,𠵱家都要面對現實接受,希望有大財團能夠收購。」譚耀文及林曉峰(阿Lo)亦感到惋惜,阿Lo指:「我覺得戲院可以直播演唱會實況,因為疫情令場館人數受限,戲院可以轉型,增加收入。」吳卓羲就表示:「我喺沙田長大,沙田UA戲院算係陪我成長。」

據知文念中執導的許鞍華紀錄片《好好拍電影》,上周六晚才於UA CineTimes進行映後分享,估不到昨日便結業,令不少業內人士都感到心傷。而在一片嘆息中,杜汶澤卻於fb指:「其實大部份香港戲院都係藍屍開嘅,同政府好好關係,但係有冇出聲反映吓業界喺疫情下嘅困難呢?唔好話反枱啦,出句聲都唔敢啦!」

至於愛與太太郭晶晶一同入戲院睇戲的霍啟剛,亦在fb回應:「天災我哋避唔過,但係政府嘅抗疫手段,直接將業界推向瀕臨結業嘅邊緣。業界期望唔係政府幫手交租出糧,只係好卑微地要求有個相對正常穩定嘅經營空間。」邵仲衡也留言:「香港又少了一間可以入場欣賞電影的戲院……再見。」車淑梅亦寫道:「告別了,UA戲院!那裏有很多美好回憶,這不單是戲迷的壞消息,也是意味着將有很多人失業了。」

【那些年的UA首映禮】

UA院線於1985年創立,自當年於沙田新城市廣場開設首間戲院起,戲院遍佈全港各大地區,並舉辦過大大小小中外電影首映禮,寫下香港影史一頁。

娛聞樂陪你走遍全球追星,即Like「娛果」FB 專頁!
BannerBanner