Serrini個唱門票遭秒殺惹fans不滿:下次book 紅館一次過唔好煩

更新時間 (HKT): 2021.03.09 18:37

被形容為「騎呢小清新」的獨立唱作人Serrini(梁嘉茵)本月初宣佈,將會在下月10至11日於旺角麥花臣場館開騷,本來場館可以招待1,500位觀眾,但因應限聚令只開得一半座位,即只可容納750位觀眾,當時外間的反應已經相當熱烈,Serrini決定破天荒「未開賣,先加場」,宣佈加開11日下午場,不過即使加了場,但昨日優先訂購的門票一樣被秒殺,甚至連$28,000「總理及總理夫人二人套票」亦全部售罄。

其後有不少fans留言吐苦水,有人表示有錢都買唔到飛,亦有人表示:「開始同搶到飛嘅人絕交!」其後Serrini還在社交平台上向買不到票的歌迷say sorry,又指連父母亦沒有留飛:「01秒嘅時候話冇,因為真係見到2020個人類排隊買飛ing,每場都係under一千張飛㗎咋,下次book 紅館一次過唔好煩,thx!唔好生氣錫番!」

後來Serrini更提醒大家仍有部份門票在明天公開售賣:「再F5!因為半小時唔confirm就會release翻張飛!千祈唔好咁易信啲 spam戶口轉售門票,記得QRcode是不能郵寄der哦,DSE要記得唔好自拍code之餘都要記得唔好大愛影自己門票QR code 入場有飛就唔好咁串,冇飛都唔好唔開心仲有公開售票的!」

事實上Serrini宣開佈開騷後,她曾說:「好緊張,如果可以開多啲(入座率)更好,今次冇企位,所以大家可以原地轉,暫時未有贊助。」問到會否再加場?她說:「應該冇咁多人睇我,所以兩場應該夠,其實個騷都延期咗一年。」相信她自己都想不到門票被「秒殺」,看來她真的要「上紅館」才可以找數!

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner