鄧達智出山爆早前因心臟不適求醫 接種疫苗後自覺「精精靈靈」

更新時間 (HKT): 2021.03.10 20:57
鄧達智近去年確診武漢肺炎(左),相隔近一年,今晚現身公開場合,他透露已打疫苗。

鄧達智今晚到灣仔會展參加香港企業領袖品牌2021頒獎禮,去年中確診武漢肺炎的他,近一年都沒有在公開場合露面,他笑言:「好耐冇見過咁墟冚場面,除咗間中去街市之外。」鄧達智透露已接種疫苗:「So far so good,你見我精精靈靈。」

鄧達智又透露早前曾因心臟不適求醫:「最初以為係肺炎之後後遺症,執嘢執到虛脫好攰,原來係因為我嘅168食嘢方式(編按:即一天之中16小時禁食,並將食物集中在8小時內吃完)搞到自己營養不良,好彩檢查之後冇事。」

疫下設計新食譜

在武漢肺炎疫情下,留在家中工作令鄧達智設計了不少新食譜,他說:「喜歡『一夜魚飯』,仲有金蠔、冬菇、髮菜,又有龍蝦糯米飯。」鄧達智的另一半陳梓欣(Clement)喜愛下廚,經常和工人姐姐一同煮飯,鄧達智則給予意見。

另外,鄧達智執拾家中雜物,實行斷捨離,將大量書和雜誌捐給圖書館,也捨棄很多DVD同CD,令家居環境更整潔。鄧達智現時開始投入工作,處理手頭上計劃,預計年底會搞fashion show,不過他坦言疫情下變得懶惰:「而家突然要工作10個鐘會覺得辛苦。」

與余慕蓮視像通話

鄧達智好友余慕蓮(魚毛)在醫院休養,他說:「因為氣促所以入咗伊利沙伯醫院,有透過視像傾談,我叫佢唔好講咁多嘢,因為佢好激動,一嚟悶,二來見返朋友搵佢,現時唔使插喉,可以漸漸進食。」又指醫生要求魚毛可以自己進食及唞氣才可出院,已經漸漸有進步,只是未到醫生認可階段。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner