張馨月女模變女傭跪地狂抹 為B女砌出學爬環境

更新時間 (HKT): 2021.03.10 23:25

張馨月自去年9月為老公林峯誕下B女後,本來身為大陸女模的她變成賢妻良母,一直專心湊女,閒時又會自製母乳番梘,令B女沖涼時更滋潤。話咁快B女已半歲大,張馨月今日就在家中落手落腳為B女搭建活動範圍,給準備學爬的B女使用。

張馨月今日在社交網站中貼出自己為B女砌圍欄的經過,只見她先跪在非常雜亂的客廳中狂抹地,之後又紮起頭髮、拿着膠圍欄在地墊旁一直砌,似工人姐姐多過似林太。

砌完一輪後,張馨月先發現圍欄底部沒有裝底盤,搞到她砌好後又要拆走,然後將底盤逐個逐個裝上。而裝好底盤後,這個目測約有140x200cm的B女的活動圍欄亦大功告成,張馨月亦急不及待將B女放在圍欄中試爬。而張馨月亦留言表示期待囡囡可以快高長大,然後「一起欺負爸爸」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner