77歲劉丹冇休息時間唔敢接種疫苗:要問清楚家庭醫生意見

更新時間 (HKT): 2021.03.10 15:51
劉丹要問清楚醫生,先諗接種疫苗。(蘋果日報)

劉丹、董嘉儀、袁學謙昨日在柴灣為保健食品拍廣告,連日來有巿民接種疫苗後身體不適或死亡個案,雖然政府及專家指出死因與接種疫苗沒有直接關係,但足以令市民卻步。年屆77歲丹爺都關注事件,「本身都諗住打,但知道打疫苗要前後要有足夠休息,我要工作冇咁嘅時間,最近又有咁多事,問清楚家庭醫生先,相信佢都會支持我。」市民吸收市面消息後陸續對接種疫苗打退堂鼓,丹爺說:「我哋都唔知道,有啲專家話長者先打,國內有啲又話60歲以上唔好打住,究竟係咩意思呢?我都唔明白,而且出咁多事,最緊要係多啲休息,唔夠休息打邊隻都有問題,希望大家都身體健康。」

丹爺一把年紀仍保持強健體魄,但他也因患上痛風苦不堪言,「以前仲笑人哋有冇咁慘,曾經拍戲見到個演員喺冬天都滿頭大汗,後來佢話痛風發作死頂,到自己有日腳痛,以為扭傷去睇跌打,後來再去睇西醫先知係痛風。」之後丹爺減少飲酒:「一邊飲酒一邊灌水,飲得咁辛苦何必呢?太太同阿仔都好緊張,我唔敢喺佢哋面前嗌痛,會死頂住。」丹爺兒子劉愷威早年成功進軍大陸發展,疫情關係,農曆年前返港休息至今,可以多陪伴女兒「小糯米」,丹爺說:「阿女不知幾開心,好黐爸爸。」

董嘉儀首次和丹爺合作見面,被丹爺誤以為學生妹,早前她與組合BOP成員Gordon傳緋聞,「大家都好關心我同Gordon,我哋大家都單身係好朋友,了解中。」對能否進展成情侶不置可否,「呢樣要問吓佢,我哋有一齊食飯、行山,最近大家都工作各自各忙。」董嘉儀自認不夠主動,並甜笑讚Gordon靚仔。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner