最新情況|陳積榮入院準備接受治療:呢幾日情況都幾險峻

更新時間 (HKT): 2021.03.11 16:21

前無綫藝員陳積榮(Jeff)去年8月確診患上第四期肺癌,當時接受治療後,情況一度出現好轉,但今年年初,情況急劇惡化,癌細胞有擴散情況,需要更龐大醫藥費,單單是轉食第三代標靶藥,每個月都要四萬元藥費。日前好友孫慧雪在社交平台出post,為Jeff籌醫藥費,及後醫院社工將Jeff個案轉介給「蘋果慈善基金」跟進。

不少圈中人得知Jeff的情況後都伸出援手,其中包括有林盛斌、徐榮及姚嘉莉、陳自瑤等,向來善心滿載的郭富城亦透過「Aaron Kwok慈善基金」捐出10萬元,助Jeff解決燃眉之急。

阿雪今日回覆傳媒,感謝大家對Jeff的支持,表示無論在金錢上及物資上都提供了不少援助,問到Jeff日前的情況,她說:「Jeff而家入咗醫院,唔可以探佢,所以我都等緊佢嘅屋企人畀消息我,但係詳細情況都唔係太清楚,因為佢哋都擔心會騷擾到Jeff休息。不過都係好事,喺醫院有人照顧到Jeff,可以紓緩吓情況,始終佢留喺屋企都比較辛苦。」

其後《蘋果》與Jeff聯絡上,對於大家在金錢和精神上的支持,身在醫院的Jeff說:「噚日收到呢個訊息,好感動,想親口同當面多謝大家,確實有好多圈中朋友支持同鼓勵,我一一都收到。而家我喺醫院,呢幾日個情況都幾險峻,做咗好多唔同嘅test,聽日有機會會做化療,身體預備去打仗,希望可以得到大家多啲嘅鼓勵,感謝咁多位嘅支持,我冇其他嘢要講喇,知道大家都愛我,好支持我,我都好愛大家。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner