杜汶澤入口台灣生果香港賣 阿澤撐果農︰我都畀人封殺身同感受

更新時間 (HKT): 2021.03.11 18:15

杜汶澤自去年底到台灣,為自家網台「喱騷」拍攝《尋找他媽的故事》後,目前仍身處當地,就算情人節都是靠視像跟老婆田蕊妮傳情。其實阿澤在當地除拍攝外,亦尋找商機撐台灣經濟。今日凌晨他到了台北的菜巿場參觀後,在Facebook宣佈「我就會成為台灣農產品出口商」,用行動撐被大陸封殺的果農。

身同感受撐果農

上月底大陸海關總署宣佈暫停進口台灣菠蘿,理由是「台灣輸華菠蘿中截獲檢疫性有害生物」,不過很多人相信是大陸政府封殺台灣民進黨政府的手段。有見及此香港市民出手搶購,藉此「懲罰」台灣果農。早在上星期阿澤在FB已預言會積極研究引入台灣水果蔬菜到香港,今早凌晨他專誠到了台北菜市場參觀後宣佈「很快,我就會成為台灣農產品出口商,推廣世界第一的台灣水果到香港去!」今日他接受《蘋果》訪問,他說︰「呢件事上個禮拜至籌劃,坐言起行,噚晚已經去咗佢哋台北農會參觀同負責人傾。初步排緊每一個時節,邊樣生果最靚,揀最top個啲先運去香港。」

台灣生果種類多

阿澤話台灣一年四季都有不同生果,7月食愛文芒,冬天就食「甜到你唔信」的蕃茄仔,更有不輸蝕日本貨的台灣哈蜜瓜︰「但價錢就爭好遠,覺得有責任去推廣呢樣嘢。身同感受自己都畀人封殺。條條大路通羅馬,冇話冇咗邊個唔得。我覺得台灣農作物本身質素咁高,其實唔需要倚賴某一個市場,全世都爭住食。未必做鳳梨,因為大家都做緊,而且做得好好,價格亦都升緊。好多嘢要準備,好似香港嗰邊運輸同冷藏庫,亦要同台灣傾攞最好嘅貨,我有信心去到頂,可以攞最好嘅貨。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner