郭富城捐10萬助解燃眉之急 陳積榮急籌龐大醫藥費

更新時間 (HKT): 2021.03.11 12:40

孫慧雪本月初在網上為好友、前無綫藝員陳積榮(Jeff)呼籲籌募醫藥費,事關Jeff一度好轉的第四期肺癌,在近兩月情況急劇惡化,癌細胞有擴散情況,需要更龐大醫藥費,單單是轉食第三代標靶藥,已經需要每月四萬元藥費。醫院社工將Jeff個案轉介給蘋果慈善基金跟進同時,Jeff日前再拍片求助,獲林盛斌(Bob)、徐榮及姚嘉妮等人出心捐助

一向善心滿載,樂於助人的郭富城得知Jeff情況後,日前透過Aaron Kwok慈善基金捐出10萬元,助Jeff解決燃眉之急,城城經理人小美在Jeff轉載《蘋果》報道下留言鼓勵:「你好﹗我代表Aaron Kwok慈善基金轉入款項於指定戶口作支持。。希望你加油。。早日康復。。」對於城城幫助Jeff一事,小美回應《蘋果》:「Aaron 慈善基金一直有幫助唔同層面而有需要嘅朋友。今次係見到陳積榮一條片段,了解佢嘅病情同嚴重性,所以Aaron 同意慈善基金立時啟動捐款行動,希望可以作出一個正面嘅帶動,令多啲團體、機構及朋友向佢予以援手。我哋唔認識佢,但係都算係同行,佢又好年輕,希望集合多啲力量同資源,去幫佢一把,集結多啲正能量畀佢,祝福佢早日康復,渡過難關!」

除此以外,藝人們也感染到星二代的善心,繼Bob之後,陳自瑤也在IG轉載Jeff的短片,並寫上「我已將款項捐贈給陳積榮先生(Jeff),當中也包括了我囡囡自願捐出的愛心利是錢,雖然我和Jeff並不認識,但看到他現時的狀況,也覺得很心痛!我只希望盡我們小小的力量和心意,可以把愛和支持送給Jeff!衷心祝福他可以早日康復!」Yoyo今日出席活動時,沒有透露女兒捐出多少利是錢,但她指女兒出的,可能是連大人也未必捨得捐的數目,她大讚女兒慷慨之餘,亦覺得十分感動。而提到陳積榮,Yoyo嘆了一口氣說:「我覺得其實每一個病咗嘅人,講真,如果你病你都唔會真係想喺鏡頭面前拍一條咁嘅片,我相信佢一定係好需要幫忙,先至會咁做。」Yoyo希望透過捐款行動能呼籲更多人幫助陳積榮,及借事件來傳遞愛與關懷:「希望佢有多啲醫療費,有錢去醫,希望可以『生命影響生命』。」

林芊妤(Coffee)亦因看完陳積榮的短片後,亦趁自己有能力幫助別人時伸出援手:「自己睇咗條片後,覺得真係好慘,自己都做呢行,明白呢行無乜保障,要自己比晒所有醫藥費係好慘,所以想盡少少棉力。都知道好多人都有相同嘅困擾,惟有盡做囉,趁自己有少少能力,見到就幫下手,雖然唔係幫到好多,但係我覺得有病嘅人,得到Support係好開心嘅事。」Coffee又謂健康係好重要:「如果問我有乜嘢最緊要,一定會係健康,根住就係家庭,錢就擺到最後,因為無健康就乜都冇,所以希望所有受病魔纏繞嘅人都加油啦!」

另外,黃婉曼同樣表示作出心意捐助Jeff。正如Jeff日前訴說抗癌路上,不斷感受到患難見真情的愛心,是令他非常感動,及增強信念要好好活下去。

「陳積榮」暖流之友編號:C4763

網上捐款:http://bit.ly/applecharity

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner