鍾培生暗示性慾強 田蕊妮:明白點解佢搵唔到女友

更新時間 (HKT): 2021.03.11 14:28

鍾培生和林作的「林鍾一戰」要9月先開波,但近日二人的「性事」卻成為另一熱話。裕美日前接受《蘋果》專訪時踢爆「老公」林作性需求低,「過夜都係分房瞓」;而鍾培生在2018年亮相田蕊妮主持的TVB節目《女人四十》舊片忽然翻hit,暗示性需求比其他男人大。

節目中,田蕊妮暫且放低人妻身份,初次體驗Speed Dating,而對象就是有「百億富三代」和「香港電競之父」之稱的鍾培生。鍾培生一坐低,連餐牌都未認真看,便下決定叫Tasting Menu,指這是對廚師的尊重,阿田反問:「咁對我呢?」她還好奇問鍾培生是否以英語作為母語,對方否認,阿田陰陰嘴笑說:「我見你成日講英文,講嘢好快,同埋有少少捲脷。」

當時只有28歲的鍾培生,揚言想生三至六個小朋友,暗示性慾比較強:「我會想生好多小朋友,男性荷爾蒙太多,每日都要剃兩次鬚。」阿田立即追問:「所以你生暗瘡,咁你咪好鹹濕囉?」鍾培生解釋:「我唔賭、唔食煙、好少飲酒,冇乜不良嗜好,比一般男性對異性嘅需求大少少,每個人都有少少缺點,兩睇啦,優點定缺點。」阿田再問:「你咁急,咁個過程會唔會好唔浪漫?」鍾培生坦白說:「No way, 對每個人都唔一樣,我尊重我伴侶,需求嘅嘢我會互相包容,盡量令到佢滿意。」

初步了解後,阿田對鍾培生印象似乎麻麻,認為對方是一個好性急的人,喜歡用分數去衡量一件事成功與否,「同佢食完一餐飯之後,明白點解佢搵唔到女朋友。如果唔係因為Speed Dating,我唔會坐喺度聽佢講咁耐嘢,我驚我會好悶」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner