田啟文怕踩界 示威戲一刀切

更新時間 (HKT): 2021.03.11 02:00
■田雞指自前年反送中過後,警匪片也要調整劇情,現今連《無間道》也不能拍。電視圖片

電影業受疫情重創,UA戲院近日宣佈結業,電影評論學會昨日在艱難時刻頒獎,前日港台播出節目《視點31》的「UA的離去–理想與現實」,請來多位電影工作者大談香港電影。香港電影工作者總會會長田啟文(田雞)談到蕭若元與游學修日前就「香港電影已死」話題激烈辯論,田雞表示︰「佢哋剝花生啫!蕭生講可能性係零,但喺零基礎上有改變咪唔係零囉。」田雞又指自前年反送中運動後,警匪片也要調整劇情︰「相信今日再拍《無間道》係唔得,『警隊點可能有卧底,你咁樣中傷我哋』,但電影需要有矛盾,內地觀眾點解鍾意香港片?就係因為喺內地睇唔到呢啲。」不過他坦言國安法不清晰,拍示威戲叫口號都怕被拉︰「所以會一刀切。」

曾麗芬:創作自由好重要

由電影發行到營運高先電影院的曾麗芬,認為合拍片不應遷就巿場限制題材,提到《十年》在2016年獲得香港電影金像獎最佳電影,當年被部份業界人士評為「恥辱」,她平反說︰「起碼有五個新導演出咗嚟。」雖然國安法已實施,但她強調︰「暫時沒憂慮,創作者有創作自由,呢個好重要,你自我審查咪好多嘢拍唔到。」

與蕭若元隔空激辯的游學修去年創立YouTube頻道試當真,他表示:「我哋活喺呢個時代,每個禮拜你見到乜,下個禮拜就拍乜,然後有幾十萬人睇。」曾高調支持國安法的導演高志森就主張發展「大灣區電影」。

娛聞樂陪你走遍全球追星,即Like「娛果」FB 專頁!
BannerBanner