電影《鬼滅》《拆彈專家2》UA拆賬凍過水 大律師︰無資產抵押賠償機會低

更新時間 (HKT): 2021.03.11 15:31

UA Cinemas(娛藝院線)本周一宣佈清盤結業,結束在港36年的經營。稍後法庭會委任清盤官釐清資產及欠債,再根據優先次序,向債權人發放欠款。而在UA結業前上映的幾套電影,包括動漫《鬼滅之刃劇場版︰無限列車篇》、《拆彈專家2》及《一秒拳王》,相信取回拆賬款項的機會頗低。

影響最大的相信會是《鬼滅》,估計有160多萬元的片賬未收。戲院重開後上映、劉德華主演的《拆彈2》未收拆賬約為60多萬。《一秒》在停院前後,亦在UA上映過約10場優先場,涉及片賬較少。此片今日正式上映,片主方面回應表示︰「一般都會去到埋數再處理,都係跟返程序去追,想講返就住《一秒拳王》 UA真係畀左好多support嘅。」

大律師陸偉雄今日接受《蘋果》電話訪問,講到清盤流程時說︰「清盤官會處理有關清盤事宜,其中最重要係釐清現金有幾多或者資產有幾多,同時間又要釐清下現有債務有幾多。究竟點將啲債務嘅債權人分級,呢個就係清盤官需要做。」

陸偉雄表示由於很難知道會有多少實際債務,所以受影響人士應該主動聯絡清盤官。以《拆彈2》及《鬼滅》兩套片為例,被問到影片發行商在取回欠款的優先次序排名時,大律師表示要視乎當時片商跟戲院簽定的合約內容而定,沒有抵押的欠債排序會較後,他說︰「法律上有既定程序,員工薪金同政府的稅項係要繳清先,保障員工。好多情況係資不抵債,如果還晒仲有錢剩,會因應級別去還畀債權人。有一啲叫做『有抵押債權人』,例如有物業按咗畀銀行,法律上有按揭契等法律文件支持嘅,係有優先得到賠償機會,其他會較後。同樣道理,片商唔屬於有抵押債權人,次序會好後,攞返嘅機會唔大。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner