杜琪峯亮相《鏗鏘說》自喻「撳極唔死」鼓勵年輕人︰一定要做落去

更新時間 (HKT): 2021.03.12 22:02
杜琪峯接受港台《鏗鏘說》訪問。

港台節目《鏗鏘說》新一季早前已開播,首次擔任主持的蘇玉華,於今晚一集登場。該節目原定於今晚8點見街,但臨時調動提早於7點10分播出。蘇玉華在今集《登「峯」造極》中訪問了導演杜琪峯(杜Sir),一開始杜Sir表示對父母為他取名叫「琪峯」感滿意,他還打趣說︰「唔似叫『國強』,要整到國家強幾難事,覺得個名幾溫馴,當然我人唔係啦。」

杜Sir在其位於觀塘的電影公司接受訪問,蘇玉華問對方寫字樓的佈置是否其心血,杜Sir笑謂︰「除咗我仲有邊個做。」在公司內有一幅字畫,杜Sir介紹說︰「『止於至善』,係令我平靜嘅4個字。好多時人哋話我好惡,好難溝通,但實質上我成日都睇呢幾個字,我係有我自己嘅態度。」

咪信「香港電影已死」

談到經歷過電影的高、低潮,與現在相比有何分別?杜Sir就提到早前蕭若元和游學修討論「香港電影已死」的話題,杜Sir在節目中強調這句說話純屬「廢話」,同時不點名批評蕭若元不懂電影︰「佢話香港電影已死,我好多年前都聽過,佢都唔識電影,佢只黐住電影搵食,做電影嘅年輕人千祈唔好聽,呢句係廢話。講個啲人根本唔了解電影,佢自己冇得撈,以為人哋都冇得撈。」

問到杜Sir有否擔心創作自由、言論自由收窄?他表示沒有,問他有否一些無形界線時,杜Sir坦言︰「必然會有,唔使諗一定會出現,仲會一鋪比一鋪更大挑戰。」杜Sir形容自己這個創作人是個「橡皮蝨乸」,意思即是「撳極唔死」,他表示創作是很靈活︰「問題在於內容係你要講,定人哋要你講,自己要去衡量,我哋係做創作、做電影唔需要挑戰任何嘢。我鼓勵小朋友一定要做落去,你唔做即係你投降。」

談到香港近兩年變化,對香港前路沒希望,蘇玉華問到杜Sir能理解嗎?他說︰「大部份香港人都理解,不只係我,喺呢個時代中,更加考驗我哋嘅韌力。在電影圈年輕一代,你哋有時間和衝動,做你哋嘅任務。」他強調香港人只要有信念,縱使未能達成目標,但終歸是對自己一個交代。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner