太極前隊長雷有曜借《一生不再說別離》懷念唐奕聰:我仲可以講咩呢?

更新時間 (HKT): 2021.03.12 22:30

太極樂隊鍵琴手唐奕聰(Gary Tong)於本月2日疑因心臟病發,在家中猝逝,Gary 的安息禮將於3月26日(星期五)舉行。

雷有輝的哥哥、曾在太極樂隊擔任隊長兼主音的雷有曜(Albert),在1993年宣佈離開太極移民加拿大,對於好友的離世,當然覺得相當難受,日前他在YouTube Channel上載了《一生不再說別離》這首歌,原來這首歌在1993年由孫偉明+唐奕聰作曲,向雪懷負責填詞,對Albert別有一番意義:「唔講唔知,原來當年係為我離開香港而寫的,我仲可以講咩呢?感觸感動感激!」

當日Albert獲悉好友猝逝,他亦曾經上載了一段錄音,懷緬昔日的兄弟情:「Gary離世得好突然,一下子消化唔切,諗返起自從我移民咗嚟加拿大之後,我哋嘅聯絡比較少,係生疏咗,只係每隔幾年返香港嘅時候,大家會聚吓。我識佢嘅時候,佢仲喺琴行度返緊工,每次去探佢都係喺度彈緊琴,佢真係彈得好好聽,我好欣賞呢個人。」Albert還表示自從一齊夾Band後,Gary的音樂對自己的影響很深遠:「真係好可惜,損失咗一個咁有才華嘅音樂人,希望佢嘅屋企人保重,呢個時間係好難過,但係都總要過,懷念你呀,Gary!」

Gary彈過的琴聲,又何止出現在Albert的腦海,雷有輝(Patrick)曾經說過,雖然Gary已離世,但他的笑聲、樂觀態度及靈魂等,都會留在每個人的心裏:「佢仍然喺度,只不過唔用佢嘅肉身,佢係用緊意念或腦電波同我哋去溝通,我哋都要去接受呢樣嘢,同佢多啲連繫。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner