RubberBand演唱會售罄決定加開1場 鄭中基$6000車輛門票光速沽清

更新時間 (HKT): 2021.03.12 18:57

新增回應

鄭中基(Ronald)和RubberBand同樣在4月舉行演唱會,門票亦同樣在今天接受優先購票,結果RubberBand所有優先訂購門票開賣約半小時便售完,有未能成功購票的樂迷,更質疑安排優先購票的音樂平台「彈弓手」,事關門票早上10時開售,不到1分鐘便顯示售完,但有網民在10時30分成功購入。至於Ronald的演唱會,今次特設價值$6000的車輛套票,早上10時開賣不久亦光速售罄,只餘其他座位門票,門票正式開售日則是本月26日。

直至傍晚,RubberBand的facebook專頁決定加開1場共3場,加場門票將連同其餘兩場門票,同步於 本月 17日早上 10時起於城市售票網公開發售。就加場一事,RubberBand成員6號接受《蘋果》訪問時,希望疫情不會反覆,演唱會能夠順利舉行。他說:「今朝起身已經收到有朋友傳短訊畀我話開心買到飛,有啲唔好彩click唔到,我都逐一覆佢哋話等17號公開發售。其實開心見到我哋同期一齊開騷嘅二汶同Serrini反應好好,大家真係要集氣希望疫情唔再反覆變化,大家順順利利開到騷,呢個係作為表演者最大心願。以往平常日子覺得開音樂會好理所當然,大家買飛去睇就得,而家發覺原來要經歷咁多起伏,甚至買咗飛嘅朋友都要祈求疫情唔好反撲,希望到時大家齊齊整整、健健康康,平安開騷。」

Ronald於4月24日及25日假中環海濱活動空間舉行的演唱會,是次演唱會最特別之處是除了一般演唱會座位,還在舞台前增設車輛套票,除了每車限坐4人,還限定車輛不可超過1.65米,避免阻礙其他觀眾視線,有網民今日成功購票後在Ronald的facebook開心報喜,亦有網民表示疫情關係一直想買到車輛門票,未能成功搶購十分失望。在疫情下開騷的Ronald則表示:「香港未試過drive in形式show,會幾好玩,又唔會違反限聚令,一家大細可以坐喺車睇,應該係值得做同幾好玩嘅一件事,所以就應承了主辦單位!」

至於RubberBand4月4日及5日舉行的紅館演唱會,優先門票開售即被秒殺,不少樂迷留言表示不連位都照買,但有未能成功購票的網民則表現無奈,門票開售1分鐘便售罄,但之後又有網民買到,怒斥購票網「可恥」,有網民更嘆謂:「畀條生路行吓啦,一分鐘都無就話賣晒。」、「請問係咪全港只賣兩張?1000入去,show 最後兩張?」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner