黃夏蕙打完科興 擔心出事想轉軚再打復必泰

更新時間 (HKT): 2021.03.13 19:27

政府大肆呼籲巿民接種疫苗,不過近12日已先後出現4宗接種科興疫苗後死亡個案。現年88歲的黃夏蕙,原來在3月8日亦冒險去打科興疫苗,事緣當日她因膝蓋舊患往看醫生,當時醫生游說她即時接種科興疫苗,她未有多想便答應,事後親友反而比夏蕙BB更擔心,而夏蕙BB在思前想後下,亦擔心打科興疫苗有風險,故想轉軚打另一款復必泰疫苗。《蘋果》今日致電夏蕙BB,她表示打針後未有出現不良反應:「我打針後抖咗半小時,醫生叫我走,我又冇暈冇事,打完針仲去開工拍嘢同去party ,月尾會打埋第二針。其實好多人話我呢個年紀唔啱打科興,我身體好好,冇高血壓冇長期病患。」雖然夏蕙BB第二針想轉呔,但由於政府限制市民只可接種一款疫苗,故夏蕙BB第二針都只能繼續打科興。

另外,65歲張堅庭也在facebook貼出3月10去打復必泰疫苗,他昨晚分享打針後第三天的個人狀況:「第一天黃昏針口有啲痛。當晚睡眠質素自覺良好,但我的WHOOP記錄儀卻表示我的recovery rate只有35%,另外apple watch的sleep APP則記錄深睡只有一小時十五分。我知道mRNA已經發出病毒蛋白出現了,免疫系統開始準備,各細胞單位就位,備戰狀態下,Recovery Rate當然低。第二天痛感消失90%,喉嚨有輕微乾,二小時後已經回復正常。第三天,完全沒有不適反應。」

----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner