子宮癌手術擺烏龍 再確診乳癌

更新時間 (HKT): 2021.03.13 02:00
■1998年嘉禾解散宣傳部,曾麗芬自組公司請回10幾位同事替嘉禾做發行宣傳,Golden Scene因而面世。受訪者提供圖片

曾麗芬多年來為電影夢勞心勞力,更曾因為心力交瘁捱出病,兩度與病魔作戰。曾在電影發行界有「四大美人」之稱的Winnie,笑言未聽過此稱號,反指最多人叫她「鬼婆」,受訪日穿上最愛素黑打扮的Winnie,頸上掛着十字架,她說信仰兩度助她走過死蔭幽谷:「相信係神嘅恩典,第一次話有腫瘤大概係2003年左右,嗰時仲係兩個腫瘤,前後睇咗六個醫生都話係cancer。」當時經過多次抽血、CT Scan、MRI都顯示是癌症,就連莫樹錦(腫瘤學系教授)都斷定無疑,有信仰支持的Winnie指心情低落及懼怕均屬人之常情,直到做完手術後,謎底才解開︰「知道有病梗係會唔開心,又cancel咗啲trip,最後做咗手術出嚟發現唔係cancer,醫生話原來係兩個子宮,最後藥都唔使食。」子宮竟被斷定是腫瘤實屬離奇。

不過要發生的事,始終在2019年遇上,當時被證實患上乳癌,確診初期Winnie責備自己︰「嗰段時間真係好多壓力,又要搬office、又好多嘢。覺得自己好唔愛錫自己,通常有cancer都係咁,所以勸大家唔好畀壓力自己。其實嗰時5月做手術,之後社運事件睇電視都覺得好唔開心,不過最後都復原得好好。」

娛聞樂陪你走遍全球追星,即Like「娛果」FB 專頁!
BannerBanner