貼Ig當回報 江嘉敏被爆貪小便宜  𢱑免費榴槤

更新時間 (HKT): 2021.03.13 02:00

大台小花江嘉敏近日是非不斷,繼跟馮盈盈因去年出席富豪船P後反目,再引發P圖是非,最近又有前粉絲在連登出post力數她EQ低、寸寸貢、貪心、高竇、態度差及當粉絲如下人等惡行。《蘋果》近日又收到讀者爆料,指江嘉敏主動聯絡一間生果店𢱑吃免費餐。

「幫我砌靚啲影相」

從讀者提供的幾張對話截圖所見,江嘉敏曾主動聯絡水果店,問可有「水果之王」黑刺榴槤出售,對方回覆沒有出售,表示可代訂連同購買其他生果時一併送貨,江嘉敏表示想訂五人份量的榴槤,還未講到價錢,江嘉敏便說:「之前我喺第二間買,個老闆好搞笑,我諗住畀錢嗰陣,佢話請我食,我幫佢post咗Ig。」暗示以貼Ig換免費吃生果。

不過生果店負責人多番表明若訂購其他生果時,可以送榴槤給她吃,未知江嘉敏是會錯意,還是詐儍扮懵。生果店向她推介熱門生果,江嘉敏老實不客氣謂樣樣都鍾意:「我除咗酸嘅唔食,全部都食。」江嘉敏更揀喜歡的生果,希望翌日便收貨,她的理由是:「因為有個訪問想睇我嚟緊呢個禮拜食乜,我想影埋啲水果。如果你哋請我食,你哋話事啦,幫我砌靚啲,畀我影相靚靚呀。」

提出長期「合作」

及後,江嘉敏還主動向生果店提出長期合作:「你哋有冇興趣我哋長期合作吖!你哋每星期都送啲水果過嚟,我可以post多(啲)Ig、story。」擺明車馬叫對方長期免費送生果。據知當日生果送到指定地點,江嘉敏並沒有付款。生果店亦當請她吃作罷。

沒想到江嘉敏食過翻尋味,之後還多次聯絡生果店,見對方未有回覆,江嘉敏就留言問對方是否發生事故,生果店負責人最後直接回應跟大台理念不同,拒絕合作,仍然給江嘉敏落台階。

江嘉敏昨日就事件回覆傳媒,她避談𢱑水果一事,只說:「我都有朋友係開水果店,其實我好多謝佢哋,因為我平時去買水果,佢哋唔單止會畀discount我,有時過時過節仲會請我食㖭,佢哋對我咁好,我梗係當然都會分享畀其他人知啦。」

娛聞樂陪你走遍全球追星,即Like「娛果」FB 專頁!
BannerBanner