杜琪峯勉年輕人:做時代賦予嘅任務

更新時間 (HKT): 2021.03.14 02:00
■杜Sir在《鏗鏘說》接受蘇玉華訪問,他揞名斥說「香港電影已死」的蕭若元只是黐住電影搵食。電視圖片

港台節目《鏗鏘說》前晚播出新一集「登『峯』造極」,由蘇玉華訪問導演杜琪峯(杜Sir)。杜Sir揞名提到早前蕭若元說「香港電影已死」,杜Sir批評對方不懂電影︰「佢只黐住電影搵食,做電影嘅年輕人千祈唔好聽,呢句係廢話。佢自己冇得撈,以為人哋都冇得撈。」雖然他表示不擔心創作自由收窄,但也坦言有無形界線,「仲會一鋪比一鋪更大挑戰」。

「冇睇無綫20年」

杜Sir形容自己是「橡皮蝨乸」,撳極唔死︰「我哋係做創作、做電影唔需要挑戰任何嘢。我鼓勵小朋友一定要做落去,你唔做即係你投降。」談到香港近兩年變化,年輕人感到絕望,杜Sir表示理解這種感覺:「大部份香港人都理解,唔只係我,喺呢個時代中,更加考驗我哋嘅韌力。喺影圈年輕一代,你哋有時間同年輕嘅衝動,可以做時代賦予嘅任務。」節目中,杜Sir被要求要選楊明或王喜翻拍《PTU》,他即說不認識楊明,還表示:「我冇睇無綫20年。」杜Sir最後選擇2004年上映的《柔道龍虎榜》送給香港人:「我覺得嗰時真係同𠵱家差唔多,絕望到不得了,我覺得呢刻遇到嘅問題係一定會過去。柔道最重要係企返起身,撻咗落去起返身咪得囉,不停咁去戰鬥。」

娛聞樂陪你走遍全球追星,即Like「娛果」FB 專頁!
BannerBanner