林穎彤父親搞外遇拋妻棄女 林母帶女兒天橋行乞想過輕生

更新時間 (HKT): 2021.03.14 12:13

TVB小花林穎彤的童年生活悲慘,生長於單親家庭,父親在她1歲時因有外遇拋妻棄女,留下林母與兩女相依為命,因為生活迫人,林母曾帶女兒到葵芳站街頭行乞;10歲的林穎彤已入行做童星拍亞視劇《萬家燈火》,其後更與母親接受鮑起靜訪問講述悲慘歲月,這條18年前的訪問片,近日因ATV亞視數碼媒體在YouTube上載翻hit。

在片段中,鮑起靜指穎彤做苦情戲好投入,林母講述因角色跟現實差不多,「佢做嘅時候,諗起自己都係爸爸有咗第二個唔理我哋,都係好窮、有病。」林母重提當年遭老公拋妻遭遇,依然傷心難過,「穎彤差唔多1歲嘅時候,佢已經搬出去同人哋住,因為佢識咗個女仔變咗心,之前我已經好盡力挽救,佢成日唔返嚟瞓,我時時喺屋企煲湯等佢,但佢一意故行要搬出去,我都冇辦法。」

林母哭訴當時生活好徬徨,「大女9歲,穎彤得1歲,我好傷心好失意,但我又搵佢唔到,希望見到佢、叫佢返嚟,或者畀啲生活費,但我搵唔到,等唔到,惟有孭住個女去乞錢。9個月晚晚9點至12點孭住佢行乞,落雨先唔出嚟,冇法,佢個病又難醫,冇錢買奶粉,當時好絕望,好彩有人教我申請綜援。」

節目中,穎彤母女與鮑起靜重回當年行乞的天橋,林母坦言當時曾想過輕生,「我又病,又畀人迫遷,冇錢買奶粉,冇錢交租,想我哋三母女搬走,又唔敢返屋企,因為隨時有人上嚟拆門劈鐵閘,嚇到我哋成日喺天橋流離浪蕩。當時喺天橋望落下面,就諗不如跳落去啦,當時我孭住穎彤,望落天橋下面時,佢差啲好似瀡滑梯咁瀡落去,好彩捉住佢腳仔先冇事。」

林母說到激動處,年紀小小的穎彤都哭了,林母攬着女兒輕撫安慰,為女兒拭淚,穎彤說:「聽到好突然,諗唔到我細個時,佢係咁樣養我,想佢唔好咁辛苦,第時開心啲,唔好再住呢啲樓(公屋),買層靚啲嘅樓畀佢住。想大個搵多啲錢,等媽咪扮靚啲。」林母好感動:「唔好喊啦,你喊我又喊,媽咪唔係要住靚樓,最緊要係你哋兩個身體健康,好開心你哋咁聽話。」網民都留言鼓勵穎彤努力。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner