取消場次唔退飛! 購票觀眾體諒高先電影院:唔係戲院問題

更新時間 (HKT): 2021.03.15 21:11
高先電影院今日宣佈取消《理大圍城》場次。

紀錄片《理大圍城》被親中報章《文匯報》狙擊,原先今日舉行「香港電影評論學會大獎─得獎電影巡禮」的高先電影院,下午發公告稱因放映事宜受到過度關注,為避免引起不必要的誤會而取消兩場《理大圍城》放映。

早前《理大圍城》放映消息一出,吸引大批市民排隊購票,今日場次無奈取消,有買到戲飛的觀眾陳先生仍到場支持,陳先生與朋友合共買了6張戲飛,不打算退票,他說:「今日大約5點喺facebook知道冇得睇,唔打算退票,大家手足,當係捐錢又好,咩都好,好多嘢都係互相幫忙。」

陳先生體諒取消場次:「呢個唔係佢哋(戲院)嘅問題。」他昨日已在網上得知親中報章批評《理大圍城》及戲院,已有預感最終不能播放。問到會否擔心以後看不到《理大圍城》?他說:「鬥長命囉,大家而家都係同政府鬥長命,終有一日我哋都會睇到,就算我哋睇唔到,事實上內容,我哋好多人都知。」他表示一心買飛支持。《文匯報》在社評指《理大圍城》「仇視國家情緒」,陳先生直言:「我又唔會睇呢份報紙,我唔知佢講咩意見。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner