奧斯卡提名丨《少年的你》入圍最佳國際電影 曾國祥興奮致謝

更新時間 (HKT): 2021.03.15 22:40

新增回應

荷李活電影界盛事奧斯卡頒獎禮,於今晚公佈最終入圍名單。曾國祥作品《少年的你》就代表角逐香港最佳國際電影,更竟然入圍最後5強,令人意外;至於代表台灣的《陽光普照》就未能殺入最終回。

曾國祥得悉喜訊後,興奮地向《蘋果》表示:「多謝多謝!好開心呀!我都係啱啱先知道呢個消息,仲非常之興奮!好多謝大家嘅支持,其實好開心嘅,因為部戲喺唔同嘅國家都受到觀眾支持同喜歡,所以呢樣嘢係自己作為一個導演好開心嘅一件事。同埋非常之多謝所有參與過呢部戲嘅台前幕後同事、所有嘅兄弟姊妹,因為一部戲嘅成功係大家嘅努力,好感恩、好多謝大家。Thank you.」

而《少年的你》劇組對入圍一回應稱:「《少年的你》能夠入圍奧斯卡最佳國際影片最後5強,我們感到非常開心,激動同時亦感恩。感恩觀眾及評委的認可與支持,也感謝台前幕後的伙伴,有大家的支持《少年的你》才可以走到這一步。衷心多謝!」而負責《少年的你》片尾曲《fly》的岑寧兒亦有社交平台留言道賀。

此外,由韓國73歲實力派女星尹汝貞孖《陰屍路》(The Walking Dead)男星Steven Yeun主演的《農情家園》,就反而未有入圍最佳國際電影,而是獲提名最佳電影。

另外入圍的作品還有丹麥《Another Round》、羅馬尼亞《Collective》、突尼西亞《The Man Who Sold His Skin》及波斯尼亞和黑塞哥維那《Quo Vadis, Aida?》

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner