車婉婉內疚囝囝受傷失眠 柳俊江變恐龍博囡囡一笑

更新時間 (HKT): 2021.03.15 13:26

昨日是白色情人節(White Day),源於日本女方向男方表白的特別日子。昨日梁靖琪、柳俊江與車婉婉等父母,將這份愛轉送到家人身上,他們分別在IG貼上家庭樂的溫馨合照。梁靖琪帶同1歲多囝囝Roman、老公施雋賢及小狗到戶外遊玩,而佘詩曼也在IG上載了跟Roman的合照,同時有一張是Roman看着電視中的阿佘,她笑言要招募新粉絲。而柳俊江昨天也跟囡囡Bella慶祝白色情人節,Bella在爸爸身後,按着柳俊江的面做鬼臉,他留言:「My best white day.」有網民笑問他是否在扮家中新養的六角恐龍Lily,十分搞笑。

另外,車婉婉與澳洲籍丈夫着重陪伴兒子成長,閒暇時總會家庭樂,日前他們一家才跟蘇永康兒子聯合搞生日派對,非常盡興。而婉婉的兒子Justus Quinlan(BBQ)月尾便5歲,不過婉婉今天心痛地在IG透露囝囝玩耍的時候發生意外受傷,弄至額頭「起樓」,面珠也瘀黑了,婉婉非常內疚,留言:「高齡日誌之生日會同場加映我家有隻陰公豬,小朋友玩起上嚟,真係會有些意外發生,今次BBQ先生受傷,Q MaMa肉痛之餘真的很內疚,成晚瞓唔着,睇咗佢成日見佢好生猛先放心D去返工。真係要睇實佢哋,睇實佢哋,畢竟BBQ先生同D朋友仔得幾歲人仔,完全唔知危險同後果,感謝主佢無乜大礙。Q MaMa知錯了.......對唔住阿仔......各位MaMa......加油共勉之。」婉婉還問網民:「除咗look鷄蛋,塗油油之外,仲可以做D咩呢?」有不少家長朋友留言回應,教她用薰衣草油、喜療妥,更有人教她用牛油等秘方為囝囝去瘀。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner