古天樂當選香港電影工作者總會新會長 田雞獲欽點為「宇宙最忙」代言

更新時間 (HKT): 2021.03.16 21:43
(資料圖片)

香港電影業界去年大受武漢肺炎疫情影響,不但開戲的數目寥寥可數,更因為戲院3度被停業,影響生意額,導致UA院線於本月初宣佈執笠。不過,一直為電影業界默默付出的人仍大有人在,有12個屬會的香港電影工作者總會,今日舉行執委會選舉,經各會的代表投票後,選中古天樂做新一屆的會長。

剛卸任會長的田啟文(田雞)向《蘋果》表示:「每兩年選一屆,今日大家約咗出嚟開會,形式係解散上一屆嘅執委會,再由新一屆委員互選。」而在正式卸任前,田雞其實有物色過繼任人,同古仔傾過之後,再經票選,落實由古仔當選新一屆會長。田雞形容:「我哋選咗一個有心有力、對行業有福嘅會長,佢係眾望所歸。古仔有佢自己嘅睇法同諗法,同埋其實同佢傾時,佢已有鴻圖大計,希望可以幫到行業,用唔同方法去推進行業。」

加發言人減會長負擔

從總會今日發出的新聞稿中,發現他獲委任為總會發言人,田雞解釋指:「因為古生唔容易搵到,所以搵我做發言人,始終古生暫時對會嘅運作唔係太熟,所以考慮到有人要搵佢回應業界或媒體,可能時間難控制。你知啦,佢係宇宙最忙嗰個!因為要快速回應,所以我幫手做發言人。」

據知,古仔已有滿腹大計,他將致力製造更多就業機會,以及進行大規模的改革。其實古仔去年曾帶頭籌款,聯同曾志偉等人向10間電影公司募捐拍抗疫電影,以實際行動支持電影業界。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner