陳倩揚做KOL提供減肥貼士 助老公成功減20磅

更新時間 (HKT): 2021.03.16 17:37
陳倩揚出席活動。

陳倩揚今天以大使身份於觀塘出席「時尚專業女性選舉」活動,近年除了幕前工作,倩揚當KOL也相當成功,她指創立1年的專頁吸納了15萬粉絲,是收入穩定來源。不過她謙稱這只是「好天斬埋落雨柴」,倩揚說:「疫情下一定少咗幕前演出,等機會來之前裝備好自己,唔好嘥時間。開呢個健康減肥group,自己都學到好多嘢,我一直希望家庭同事業能夠平衡,冇嘢係100分嘅,所以我每樣嘢都會去了解清楚先去分享,如果有品牌唔適合,我都唔會應承,我嘅目標係希望更多人關注健康。」

倩揚又爆幫助老公成功減去20磅,同時亦減輕三高問題,她說:「佢由美國返香港就有膽固醇偏高問題,而家去返正常軌道,不過瘦咗要買過晒啲西裝、褲同皮帶,最緊要係內在美。」提到政府放寬接種疫苗的年齡限制,問到她會否考慮接種?她即呼籲大家不要一窩蜂,應該要還原基本步,必須要因應自己的身體情況才考慮接種,而她已為父母安排做身體檢查,檢查完才再作考慮。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner