薛家燕不捨《流行經典50年》難忘黎小田捱義氣出山助陣

更新時間 (HKT): 2021.03.16 22:14
薛家燕對節目將要停播感依依不捨,又感謝多年拍檔黎小田的支持。

曾志偉走馬上任成為TVB副總經理,掌管綜藝及音樂大台。新官上任的他,回巢後即大刀闊斧改革音樂節目,播足4年的《流行經典50年》亦難逃被cut命運,改由全新改革的《勁歌金曲》頂上。

身為《流行經典50年》台柱的薛家燕,今日如常到TVB錄影節目,她透露今日是錄影尾2一集,下月4日將是最後一集出街,當晚節目亦會延長至個半小時。對於節目「壽終正寢」,家燕媽媽坦言感到不捨,但就支持大台的安排和做法,認為可以給予機會新一代歌手,而自己則可以暫時退下來在家中湊孫。問到節目最難忘一刻,薛家燕說:「當然是我拍檔黎小田,大家都知呢個節目最初得8集,係我搵小田幫手做音樂指導,雖然佢當時已經退休,但因為我嘅面子,最後小田都答應幫手做音樂監製,雖然佢離開咗我哋,但佢嘅精神會一直延續落去。」

提到日前接受強檢,薛家燕笑言成件事來得好突然,之前完全沒有收到通知。雖然經檢測呈陰性,但她指最頭痛是住址因此曝光,問到會否考慮搬屋?她笑指自己冇錢搬,記者反問她冇錢?她即說:「我有幾個仔女,所以要幾個單位嘛,哈哈!」另一方面,薛家燕又提到自己將要拍MV,她指今次MV特別之處,是她和韓國人氣女團合作。雖然她沒有開名,但表示:「呢個係國際知名女團,到時會同佢哋一齊唱歌跳舞,所以呢排都要加緊練習。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner