蘇煒喬逆市夾錢開桌球室 揚言有危自有機

更新時間 (HKT): 2021.03.16 13:31
蘇煒喬投資開桌球室。

歌手蘇煒喬(Ivan)曾經是年薪百萬的銀行top sales,多年前投身樂壇,一圓自己的歌星夢。但過去一年疫情下娛樂事業停頓,Ivan卻在偶然下獲邀請投資開桌球室,今天他以老闆身份於尖沙嘴主持開幕。

Ivan透露桌球室佔地逾萬呎,8位投資者合共投資約400萬,不過他坦言疫情下未有想過賺錢,只希望收支平衡,培養下一代,他說:「上年娛樂事業停晒,為咗維生,都做過一啲口罩同消毒用品嘅投資。其實自己由細到大都想做一個桌球手,但係知道好難搵食,所以冇做到,今次試吓開,一圓我兒時嘅目標。而家營運費每個月都要5、60萬,政府資助咁耐只係10萬,我自己做過銀行都識計數,都有一定壓力。」不過他謂疫情下開業,有危自有機,希望捱過這關。

另外,Ivan去年尾已簽約天盟娛樂,並會繼續在樂壇發展。他又指因Gary Tong(唐奕聰)的離世,大家心情也不好,今天也沒有特意打擾師傅雷有輝,他說:「其實我有為太極出咗一款口罩,喺Gary出事前一星期我哋先見過面,當時佢好精神,所以收到呢個消息真係好突然,上節目時都不停喊。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner