原子鏸賀兒子Matys滿月 等疫情結束:返摩洛哥舉行派對慶祝

更新時間 (HKT): 2021.03.17 13:45

43歲原子鏸上月為摩洛哥籍老公Mehdi El Ajimi誕下可愛B仔Matys El Ajimi,身在美國的鄭佩佩雖然好恨抱乖孫,之不過暫時未能回港,只能靠視像通話隔空「抱孫」,適逢兒子滿月,早前原子鏸一家三口帶同愛犬影全家福。

原子鏸指因疫情肆虐,暫未決定會否在港為兒子舉行百日宴,只希望疫情早日結束,屆時與家人到老公家鄉摩洛哥開派對慶祝,「呢個係佢哋嘅習俗,新生BB第一次返摩洛哥,會舉行一個盛大嘅慶祝活動,類似香港嘅百日宴」。

新手媽咪原子鏸湊B一個月,自言不覺得辛苦,「雖然瞓得唔係幾好,但每一次望到佢,我就覺得一切都好值得,因為佢真係好得意」,目前由兩公婆輪更湊囝囝,並透露現時餵哺母乳:「對我嚟講係一份好美麗嘅回憶,因為可以同BB更加親密,呢種感覺真係難以言喻,只有做人媽媽,先會有呢份體驗,不過BB而家成日肚餓,所以都有啲難湊。」

對於老公Mehdi主動湊囝囝,讓原子鏸適時休息,原子鏸稱十分感動:「佢幫咗我好多,大概每晚九點到凌晨兩點就會輪更,幫手餵奶、換片、抱住BB𠱁佢瞓覺,佢真係一個好好嘅爸爸。」問到媽咪鄭佩佩有否傳授育兒秘笈,原子鏸笑言:「媽咪冇乜教我,因為佢已經唔記得晒!不過佢話我哋細個成日趴喺度瞓,而家好多人都話呢個睡姿比較危險,所以我都係等BB起身,tummy time(俯臥時間)先畀佢趴一陣,訓練頸部嘅肌肉協調。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁