RubberBand疫市3場紅館騷爆滿 歌迷撲飛不成求加場

更新時間 (HKT): 2021.03.17 17:46

樂隊RubberBand(RB)相隔9年後第2度在紅館舉行演唱會《RubberBand Ciao 2021》,下月4及5日兩場日前優先預售,門票火速被秒殺,再加開4月3日一場亦火速售罄,3場演唱會門票今早10時正式開售時,《蘋果》多次嘗試登入城市售票網購買不果,頁面已顯示只餘少量門票,不少fans在RB的社交平台留言,表示無法成功登入購票,未爆滿已經要求加場,認真誇張!而到了下午4時多,網站顯示尾場已爆滿,半小時內再爆剩頭場,只餘少量位,近傍晚全數售罄。

歌迷反應熱烈,6號坦言始料不及:「當我哋宣佈優先訂飛時,好多朋友都有支持去買飛,但當日都苦樂參半,因為好快賣晒,但同時又有朋友話未買到,我哋都為佢哋擔心,即時諗可唔可以做到啲嘢呢,而加場係一個解決辦法,令到未買到飛嘅朋友可以有機會買到,我哋亦會抖擻精神,做多一晚。」礙於武漢肺炎疫情,今次只能有50%入座率,泥鯭表示:「最理想當然係可以全場入晒觀眾啦!但係健康係最緊要,既然只可以入五成,我哋就盡量配合,但都希望大家喺睇騷前後可以盡量做好個人衞生管理,我哋都會盡量保持自己唔可以病。」

今次演唱會以意大利文Ciao作為主題,此字包含Hello與Goodbye的意思,泥鯭表示這兩個字每日都會講,尤其這幾年大家對這句說話特別有感覺,因為身邊有好多不同形式的分離或散聚,例如移民、生離死別等各種原因,「呢個topic係我哋喺呢段時間最有感覺嘅,所以音樂會就用咗呢個主題。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner