羅天宇沖涼練唱 細佬胡㻗隔門夾歌

更新時間 (HKT): 2021.03.17 18:56

羅天宇與同母異父的弟弟胡㻗、國寶級二胡大師王憓、陳慎芝與蘇慧恩等,今天於大會堂為《五月·情天音樂會》開騷。原定去年5月舉行的音樂會,由於爆發武漢肺炎疫情關係,延至今天終於開騷。對於近日中環疫情緊張,羅天宇直言不會擔心,因距離封閉的匯豐總行有一段距離,加上表演場館做足安全措施,他們演出也安心。

羅天宇與胡㻗合唱《不許你注定一人》,並由王憓老師以二胡伴奏,等足近一年才能實現兄弟合唱,令他們十分期待。羅天宇謂全家人也會來支持,他說:「我入咗行13年都未試過同細佬合作,今次係第一次,同老師一齊jam,好正!」他們謂會在家中沖涼時練歌,隔着門合唱,記者笑問還以為他們一起洗澡,羅天宇笑說:「我哋冇咁close。」胡㻗又坦言希望跟哥哥合作拍劇:「想一齊拍劇,感覺應該唔錯,我哋可以做返兄弟,或者我做壞人,佢做好人。」

另外,提到早前有網民爆天宇有削骨之嫌,他說:「係呀!我有睇過,V煞吖呀嘛,我都有睇返之前嘅相,以前真係好過份,可能太幸福,好圓。」胡㻗也幫口說:「佢好努力減肥,見佢2、3個月都係食烚肉同菜,瘦係好正常。」羅天宇亦謂拍劇的戲份多要除衫,所以有動力不斷keep fit,更大呼:「我天然㗎!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner