【娛樂人物】事業起飛 兄弟偷食爆粗毀前途 
ERROR借鏡保錡 小心做人

更新時間 (HKT): 2021.03.17 02:00
■男子組合ERROR三缺一獨欠保錡,隊友仍對他不離不棄。

男子組合ERROR出道至今以騎呢突圍,出道三年成功開拓另類巿場,近日升格擔大旗為選美真人騷做導師。事業起飛之際,卻因成員保錡背女友偷食「沙律」張沛樂,及不忿被嘲「少年八両金」爆粗與網民開火,牽連ERROR名聲,上月保錡知衰跪低,公告暫別ERROR,三子齊齊幫口補鑊求原諒,指保錡受挫折「精神失常」,更引以為鑑,「唔好以為自己係ERROR,就乜嘢錯事都做得出。」

撰文:卓寶花

攝影:陳弘

四人組合ERROR出道後效力ViuTV,除了唱歌、演戲、主持、還做棟篤笑開騷,最近被委派為選美真人騷《最後一屆口罩小姐選舉》擔任導師教路,日前三子梁業(肥仔)、郭嘉駿(193)和何啟華(阿Dee)在九龍灣接受訪問,三缺一獨欠保錡,隊友還是對他不離不棄,合照時仍留下一個空位給他,寓意盡快歸位。

「乜嘢錯事都做得出」

雖然保錡已為偷食及爆粗事件公開認錯,不過網民拒收貨,日前節目宣傳一出繼續狙擊,幸獲兄弟力挺,無懼節目出街惹負評,支持保錡翻身,阿Dee說:「保錡擔心拖累我哋,所以自發性離開,我哋心靈上好支持佢企返起身。」193亦鼓勵保錡:「個個人都有錯,希望觀眾可以畀時間同原諒佢,遲啲出返嚟都唔好再鬧佢,希望畀機會保錡。」肥仔指保錡事件是三人的借鏡:「人唔經大事唔會醒覺,起步有挫折仲可以企返起身,保錡件事提醒我哋唔好以為自己係ERROR,就乜嘢錯事都做得出,以前以為ERROR冇形象又冇人識,點知咁多聲音。」

保錡完成手頭上《ERROR自肥企劃》和《口罩小姐選舉》後正式暫別,193爆保錡在旺角鬧巿開工精神失常:「佢覺得所有人都憎佢攻擊佢,嗰輪非常嚴重,要經理人拉埋佢一邊,佢真係嬲怒嗰種。」肥仔說:「佢𠵱家情緒好啲,之前喺街見人望佢就話人肯定鬧緊佢,想影佢擺上網。後來佢自嘲話減肥食沙律,就知佢好番啲。」

「到60歲都有人笑佢」

肥仔亦師亦友勸告保錡:「Hater全世界都有,唔會全世界人鍾意你,人哋憎你時就會中傷你,放低啲唔好睇咁多,思想正面啲。」組員傾盡全力為保錡補鑊,希望四子再並肩作戰,阿Dee十分了解兄弟:「佢未ready,一個半個留言鬧佢,佢都好認真,自己難受,希望佢心理質素企穩咗先。」193特意冷嘲熱諷激勵他:「相信保錡到60歲都有人笑緊佢。」

服裝提供:Musium Div

娛聞樂陪你走遍全球追星,即Like「娛果」FB 專頁!
BannerBanner