Alina低調改新名李炘頤求發展順風順水 網民抗拒杜小喬改名杜以辰

更新時間 (HKT): 2021.03.18 12:11
IG圖片

唔怕生壞命,最怕改壞名。藝人為轉運和星途都會突然改名,ViuTV真人騷《全民造星III》十強之一的Alina,中文名原叫李靜蓮,不過近日都低調在社交網改名李炘頤。據知Alina新名是林盛斌(Bob)的御用風水師陳定幫為她挑選,Alina未有特別出post宣佈改新中文名,但粉絲都眼利發現,昨日在IG貼出性感靚相後留言:「這個29+1有種好像人生才剛開始的感覺。對自己更坦誠,跟自己焦慮共處,慢慢欣賞自己存在的價值;對,我就是我。」

Alina自《造星III》後增加了不少人氣,她決定好好利用這個機會上位,Alina就改名一事回應《蘋果》:「新名係幫幫師父改呀,佢話我舊名唔好,其實呢幾年都不停有人咁同我講過,我之前一直冇改,始終個原名係父母畀我,但嚟緊我有新動向,會拍劇同拍電影,於是扚起心肝改新名,希望喺呢行可以順風順水。」

Alina早年曾參選港姐,亦入圍過ViuTV《美選D.n.A》真人騷,去年參加《造星III》,終於令她爭取到機會,Alina的男友是人氣組合MIRROR成員邱士縉(Stanley),他都支持女友在娛圈一齊發展。陳定幫為Alina改新名,他今日說:「新名有31劃,31呢個數字代表有領導能力同有智慧,智人勇兼備嘅數目,對佢事業發展強好多,舊名感情運幾差,有孤獨感,而家新名會旺到佢事業運同感情運。」

除了Alina改名,杜小喬近日也低調在IG貼出新名杜以辰,她解釋為何改名:「媽咪起杜小喬呢個名起得幾好嘅,但係有私人理由,都得到媽咪同意先決定改,希望杜以辰個名有一日都會得到認同啦!」有網民留言:「原名好聽啲。」杜以辰回覆:「認同,望有日新名都會有認同。」網民堅持叫舊名:「只想叫她杜小喬,最大分別女仔名變咗男仔名,可愛變咗唔可愛,反正以後都係叫杜小喬。」估唔到杜小喬改名成為討論區熱話,有網民揶揄「抄台灣女神梁以辰」、「藝人通常改名都係高峯已過,整色整水都係無人理。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner