張沛樂支持男友保錡暫別娛樂圈:畀佢休息吓先

更新時間 (HKT): 2021.03.18 15:13

組合ERROR成員吳保錡目前因負評纏身,為免連累兄弟,他決定停工,今日他的女友張沛樂(沙律)在中環出席電影《#PTGF出租女友》開鏡活動,對於保錡暫別娛樂圈,沙律說:「畀佢休息吓先,佢公司之前已交代清楚,同埋佢都大個,識得處理。不過係有時外界嘅嘢係好難控制到。」

沙律稱男友目前不再與網民爭拗,又指當中很多誤會,問到會否支持男友休息?她說:「支持,今年香港好多人都好難捱,喺事業同生活上都有好多負能量,希望大家可以少啲爭執,多啲互相幫助。」

今次沙律在戲中飾演扮出租女友的放蛇女警,沙律難免要展露身材,在戲中適量性感,與趙善恆有咀戲,事前已經告知男友,至於保錡目前情況,沙律說:「而家佢好多時間陪我,鍾意黐住我,雖然我都想叫佢嚟探班,不過我都係想專心工作。」

保錡早前因被揭暗交沙律繼而被爆疑背正印模特兒女友Carrie偷食沙律,甚至有多名女子自爆曾被保錡約過上床兼拍性愛影片,嗒女無數的保錡因不忿被嘲「少年八両金」 爆粗鬧網民,結果有網民發起「ERROR走保錡」及「全民踢保」行動,最後保錡宣佈暫別娛樂圈。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner