【游蕭之辯】激發演藝圈深思港片未來

更新時間 (HKT): 2021.03.18 02:00

上月22日,時事YouTuber蕭若元就香港電影的前途問題於兒子蕭定一的社交媒體Clubhouse與年輕人激辯,發表「香港電影已死」言論,更謂未來電影業要恢復「機會等於零」,令由演員轉網上設頻道《試當真》拍片的游學修反擊,強調「不會緬懷過去,會創出自己的路」,雙方各自在YouTube頻道再爆seed互片,蕭若元揶揄對方拍YouTube片屬「煮飯仔」,游學修則反嘲老蕭︰「世界變了,係你哋老人家睇唔明」。

兩人激辯引起全城關注,大批演藝人各抒己見,田蕊妮接受張寶華網上頻道訪問時撐游學修,指舊的方程式可能是滅亡主因︰「唔覺得人需要循住舊規則,反而要有新衝擊。」

至於名導杜琪峯亦寸爆老蕭指香港電影已死是廢話︰「嗰位先生識搵食,但佢唔係識電影;佢癡住電影搵食,但唔係搞電影嘅人」,又鼓勵年輕一代堅守電影熱誠:「只有你自己唔做,你就係投降」。而田啟文雖贊同蕭氏論點,但卻說︰「我同意佢講法,但係零基礎裏面,如果作出改變,就唔係零。」