關心妍憶潮文「關家姐」嘆網絡影響力驚人:我嘅EQ由唔高變高

更新時間 (HKT): 2021.03.19 16:23

鼓佬李健宏(Kevin仔)最近和著名音樂人⿈丹儀合作主持網上節目《MUSIC PANDA》, 每集邀請不同歌⼿或組合Jam歌,首集邀請了關心妍(Jade)做嘉賓,與「造星神經刀」CY陳澤言一齊jam歌。

在節目中,KB問到CY是否有「分享症」,喜愛將自己的事「擺上網」?CY坦言自己不太喜歡分享:「我自己好少將屋企嘢同人分享。」Jade亦說:「我哋由好重視私隱到慢慢要分享,去到而家唔可以唔分享,我經歷「關家姐」呢件事之後,EQ由唔高變高,呢篇潮文真係好勁,由電腦傳到手機年代都仲未死,我諗我係第一個感受呢件事,因為入面講緊嘅真係唔係我,講緊嘅好似我真係犯咗罪,以前嘅年代好難解釋,只係可以同記者講一次,新聞出唔出,出完就算,反而而家可以抨擊。」CY亦表示當日參加《造星III》收過不少負評,覺得他為何仍未被淘汰:「我個心諗,惟有叫自己做好啲。」

他們還分享了參加歌唱比賽加入樂壇的⼼路歷程。關心妍更提到,當新人時曾遭其他歌手批肘兼爭企位:「我好冇用,成日都係企後面。成日俾唱片公司同事鬧我唔識撈,唔去爭前少少企位。」而KB及丹儀就大爆天王級歌手舊事,丹儀爆金句王曾經講過:「歌唔係用來練。」

KB就開名大讚黎天王,指2006年曾與Leon去美國登台,黎天王開騷前竟然走入樂手房與大家打招呼,留下金句: 「大家唔使緊張,我都唔緊張,你哋都唔需要緊張,因為我手中有咪,心中有歌,我背後有你哋,我哋一齊出去速戰速決!」當時還是小樂手的KB,覺得天王舉動非常暖心,對Leon完全改觀。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner