RubberBand紅館演唱會爆完再爆 宣佈加開第4場

更新時間 (HKT): 2021.03.19 14:09

疫情影響下,樂壇變得死氣沉沉,至近日才有歌手陸續宣佈show照開,即使只能坐半場都照唱,當中包括樂隊RubberBand的《RubberBand Ciao 2021》演唱會,由原先公佈開兩場,至本月12日優先訂票火速爆滿後隨即宣佈加場,今日再次公告加場喜訊,表示演唱會於4月6日加開最後一場。

一眾成員表示得悉門票再被搶光感到難以置信,成員之一的阿偉表示:「非常開心,衷心多謝樂迷支持,因為喺咁嘅環境下要開一個show真係唔容易,大家咁踴躍熱烈去買飛,真係打從心底好感動,所以多謝以外還是多謝。我哋承諾會盡我哋嘅能力做到最好。」

至於演唱會由本來的2場變為現在的4場,阿偉坦言都有擔心過體力是否能應付,但表示大家都已經豁出去,「唔理喇!大家咁支持我哋,總之盡做,喺開show前呢段時間會練好歌,同埋會好好保養身體,希望到時以最佳狀態同大家見面。」6號亦說:「我哋已經同鍵琴手Patrick Lui日日返Band房彈熟啲歌,下星期就會同今次龐大嘅Band Member綵排。我都有擔心過體力,但唔諗咁多,但已經開始戒辣,到時每晚做完show會講少啲嘢,飲多啲水。」

除了RubberBand加場演唱會的門票在本月25日開售,日前宣佈在5月6-8日在Star Hall舉行成軍兩周年演唱會的MIRROR,演唱會門票同樣在當天開售。不過,兩個演唱會都想捧場的樂迷要留意,兩個演唱會的門票分別在不同售票網開賣,要搶門票可能要準備兩部電腦喇!

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner