麥明詩被擺上枱 獲6位數邀請做「林鍾一戰」嘉賓

更新時間 (HKT): 2021.03.19 16:54
(IG圖片)

「百萬林鍾一戰」曾被質疑夾新聞,皆因鍾培生有份投資的港產電影《#PTGF出租女友》,林作曾經參與試鏡。最近鍾培生高姿態表明,比賽已經變成一個騷,除二人對戰外,還會邀請人氣YouTuber、兩台藝人對戰,及當紅樂隊做表演嘉賓。

近日不少贊助商、YouTuber等都收到鍾培生的建議書,列明冠名贊助金額,當中還有邀請麥明詩做嘉賓,擺明是想借助麥明詩和林作這對過氣戀人關係,增加吸引度。《蘋果》今日致電鍾培生,他表示是商業機密,但承認有邀請麥明詩參與,他說:「都係TBC(to be confirmed),我係有同佢傾過,我感覺佢自己就有意願嘅,但detail就要問佢經理人。」他直言是因為話題性:「呢個好明顯啦,睇留言啫,觀眾想搵麥明詩表演,我咪搵麥明詩,可能今日觀眾想我唱首歌,我咪唱首歌囉,最緊要觀眾開心。」

覺得麥明詩意願有幾多?他說:「睇價錢啫。信心?計緊數,睇吓有冇咁嘅需要。」問到是否開7位數字酬勞?他笑說:「咁梗係唔會畀番7位數佢啦,儍咗咩,6位數就要嘅。」他計劃5、6月開售門票,但亦擔心疫情影響入場人數:「擔心㗎,但我哋都係沿住限聚令咁去sell。」而麥明詩則以短訊回覆:「唔清楚,有咩佢同我經理人傾啦。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁