張致恒老婆雯雯自爆得200蚊要養仔孭起頭家 壓力爆煲冒輕生念頭

更新時間 (HKT): 2021.03.20 16:04

張致恒(Steven)前年與女粉絲雯雯奉子成婚,之後還多生一名兒子,Steven肩負養活一家四口的重擔,結果不停向圈中好友借貸度日,債主包括馮鎵瀠(Naomi)和林盛斌等。Naomi不屑Steven有錢一家搬大屋及shopping卻不肯還錢,Naomi公開Steven欠債2萬,事件曝光只肯還1萬,餘額仍拖欠。雯雯近日多次在社交網放負:「唔再生存,係咪先可以畀我哋平靜過」、「就算絕路,我都會撐住兩個仔,要放棄,都唔會帶兩個仔。我相信我靠自己,一定可以撐住兩個仔!給自己少少鼓勵」,令人擔心。

雯雯今日再在IG貼出跟兒子及婆婆合照,並為放負解畫:「朋友……唔使擔心,我冇事亦都冇癲到,只係最近發生太多事,面對唔到同有爆煲嘅情況。要自己照顧兩個仔同成個屋企,現金只係得$200,所以有啲驚同唔識應對。再加上,有太多我唔知情嘅事情發生,去到我知道嘅時候已經係畀人鬧緊嘅時候,所以開始有啲睇唔開,有自殺嘅念頭,我承認我係有唔成熟同太脆弱。但係當我去到我流眼淚嘅時候,個仔會埋嚟摸吓你,幫你抹走啲眼淚,當我唔開心嘅時候,佢好似明白咁樣,過嚟拍吓你摸吓你嗲吓你。嗰一刻我先醒覺,我唔可以放棄,因為我冇權帶走佢哋嘅生命,嗰一刻我同自己講我一定要堅強,要努力面對一切,先可以陪伴到佢哋去佢哋之後嘅人生。」

Naomi揶揄狼來了

雯雯表示要公開向真心關心及擔心她的朋友致謝,同時也公開向中傷她的人說:「我已經收到晒你哋嘅說話,你哋唔喜歡,亦唔需要繼續去睇我呢個平台,大家為咗一個唔認識嘅人去咁勞氣有咩意思呢,而家香港人人都有困難,無謂為咗一個你哋唔認識嘅家庭去勞氣,希望所有人都可以捱過呢個疫情。我亦會好好組織自己嘅人生,我唔會再唔夠膽抬起頭望人,因為我哋只係爭人錢未還晒,而唔係去逃避要去走數,所以其實我係唔需要抬唔起頭做人,我亦會好好問清楚同組織好,欠我老公朋友嘅錢。我相信只要我哋願意去努力,我哋一定可以好快,報答到同還清所有嘅金錢。」

雯雯尤其多謝婆婆鼓勵,她大讚婆婆是其最好聆聽者和傾訴者:「係愛最絕路、最徬徨、最冇咗(無助)、最迷惘嘅時候,你係我嘅天使,要你老人家擔心我為我傷心,我好不孝……我唔知上一世要做幾多嘅好事,先可以有你呢個婆婆,我愛你。」

雯雯留言承諾會還清債項,不過她自爆銀包得200元,有網民即質疑:「有冇可能得200蚊?買罐奶粉都唔夠喎?」雯雯即回:「多謝你嘅關心,我只係發表我當時自己面對緊嘅嘢,亦唔係要別人去探討我講嘅係唔係事實,我嘅問題暫時亦已經得到解決,我仲可以照顧到兩個仔。」也有網民問Steven去向:「呢個時候,你老公去咗邊?點解唔出來講番句嘢」、「咁手緊點解唔搵嘢做」。其實亦有網民為雯雯打氣:「加油, 雨過一定會天晴。」

對於雯雯在IG公開許下會組織整理欠債清還的承諾,Naomi可會相信她會還錢?Naomi今日回覆《蘋果》只說:「狼來了。參加電競比賽中,唔得閒理佢。」

24小時求助熱線︰

香港撒瑪利亞防止自殺會熱線︰23892222

撒瑪利亞會熱線(多種語言)︰28960000

生命熱線︰23820000

東華三院芷若園熱線︰18281

社會福利署熱線︰23432255

醫院管理局精神健康專線(24小時精神健康熱線諮詢服務):24667350

明愛向晴熱線:18288

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner