孫慧雪錯請「Open」幫傭嚇壞老公 張美妮花9萬請陪月唔夾更委屈爆喊

更新時間 (HKT): 2021.03.20 17:14
YouTube截圖

孫慧雪、關心妍與張美妮最近一起主持網上節目《靚媽圍爐》,3位靚媽在節目中大爆請陪月員的經歷。38歲的孫慧雪與老公羅天彥(Edwin)育有現年3歲半囝囝Riley,她先分享朋友試過請金牌陪月,月薪8萬元,她說:「點知一啲都唔金牌,仲要重感冒食藥之後,鎖房門同個B係房瞓,拍門兩個鐘冇人應,結果朋友即刻炒咗佢。」

阿雪提到自己之前生完BB請了陪月,完約後再請了位姨姨來幫手照顧BB,她笑言對方非常特別:「佢唔知點解好鐘意唔戴胸圍,又經常喺BB房只係着住條底褲行嚟行去。老公試過開CCTV睇吓個仔喺房做緊咩,就見到個姨姨下半身無遮無擋。又試過個姨姨聽到我老公叫佢,突然喺浴室只係包條毛巾衝出嚟問咩事,嚇到我老公即刻調頭走。」

阿雪自言揀陪月要睇身形,如果生了像Riley一樣的巨B,最好請個高大有力的陪月zxah 「我生嗰時分兩更請,因為聽過朋友講請24小時陪月有唔愉快經歷,所以自以為好醒請一個日更一個夜更,日更嗰個陪月身形好細粒,我個仔出名巨B,所以試過兩次佢真係唔夠力,同BB沖涼時差啲連人帶B跌低,好彩我衝過去扶住佢哋兩個。」

至於41歲張美妮和髮型屋老闆KK結婚8年,前年誕下囡囡「笑咪咪」,她回想之前花了9萬元請了位合不來的陪月,覺得非常肉赤,張美妮說:「其實係5萬幾一個月,24小時陪月,但我簽兩個月(合約),最終唔夾,唔到一個月已經用唔到落去,因為簽咗合約,結果埋單9萬蚊只係做咗一個月。」她坦言和陪月合不來主要是餵人奶問題,她想埋身餵人奶,但陪月覺得最好揼定奶,不用半夜三更坐等媽媽餵個幾鐘,並向她老公投訴,指她過份緊張,兼不揼奶備用,結果她深感委屈爆喊。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner