朱智賢快過黃心穎復出搶閘證明洗心革面 多時間行山keep到22吋腰

更新時間 (HKT): 2021.03.20 17:46

朱智賢去年4月被揭發與人夫黎振燁(Jackson)車廂偷食蛋糕後,隨即被TVB放入雪櫃。被雪藏接近一年後,朱智賢今日正式獲TVB解凍,獲批准出席劇集宣佈活動,機會咁難得,朱智賢當然不忘多謝公司畀機會。

朱智賢今日到將軍澳為新劇宣傳,對於自己比同樣偷食的人夫黎振燁和黃心穎好運,被雪一年已能解凍,朱智賢即流利地表示好開心公司給她這個機會,又指現階段只會專注事業:「暫時我都係得一個目標,就係專注喺自己嘅事業,其他好多嘢都唔特別去干預,嚟緊會好比心機去做好我所有嘅工作,我會證明畀大家睇。」被問到復出後會否怕觀眾不接受,朱智賢就指大家的反應不是她能控制,現時只能先做好自己:「只要對得住自己,做好人生裏面所有嘢咁就OK!」對於之後的工作,朱智賢就表示暫時仍未清楚:「要等公司安排,公司安排咩我都會好努力去做。」

朱智賢指在「雪櫃」期間,因不想浪費冇工開的日子,除修讀營養學外,又建立了行山這個興趣:「由最初好唔行得,到最近行咗一條叫做係考牌嘅路線,成26公里,由天黑行到天光再行到天黑,行咗14個鐘。可以鍛煉意志,對身心靈好好。」而她又謂男友謝東閔是第一個叫她去行山的人,而且更會相約一班好友一起行。記者會上,朱智賢被度腰圍時被發現只得22吋,她笑言應該不是真的:「我是很易肥的那種,最近都經常運動,瘦了不少。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner